Batɛɛmö a ˈyioo, wʋ dɛ -ma -n nɛmö ɔ ˈnɩ?
-ABHƲA KLƖTƖƐWAA SƐ -A -BHÖLƖƐ
Zoova a bʋbɔbʋbʋ mö -n nɩ -sɛ -lɛ
ˈYuëdɩgbö a -muë ˈnɩɛ -bhlɛ badizee, ˈmö a nɩ kää glɩnɩɩ, Biblë ˈmö a -käˈɛ -bhlɛ ˈcɩɛ dɔˈwʋ -wʋʋ, a yɩbhä ɔ a ˈkä badize -a? -Yɩ kä ɔ ˈŋlɩ ˈn a yɩbhä ɔ a ˈkä badize ˈnɩ? A -kä aɲɩ Zoova yowʋ ˈɲɛɛ, ˈn wa -kaaɲɩ badizee, a -ɲɛ Zoova ˈsɔ a yi teɲii ˈwʋ -wʋnɩ. (Ps 91:1) Yɩ yiˈɛ ˈŋlɩ -kä a yi ˈpʋpʋɛ ghlɩ. (1P 3:21) Sɛɛ a bhɛnɩ ɔ a ˈkä ˈzʋ, nzɩ a ˈkä -li ˈla ˈwuë nʋ ˈnɩ?
A nɩ kɩ dlɩ ˈwʋ nɩɩ, gbëawɛlɩɩ ˈmö a -gänɩɛ. Nimïyɩbhäkïbhï -kaaɲɩ dlɩ zɛmö yii, aˈbhï a nɩ tɛlɩ sɛ a ˈkɩ ˈmö ˈnʋ. (Gh 12:2) -Lii -yɩɲɩ dɔˈwʋ a kää a ˈkä ˈmö zigbonɩɩ, a nɩ tɛlɩ sɛ a ˈkɩ -yi, ˈn ɛ nɩ glɩnɩ sɛɛ a yɩbhää a ˈkä Zoova dlɩ yɔwʋ nɛnɩ a za. (Pr 27:11; Ɛf 4:23, 24) A nɩ bhibheo ˈkwädlɩ ɔ ˈkaɲɩ kwänɩ. A nɩ kɩ dlɩ ˈwʋ nɩɩ, Zoova yi ˈɔ ˈwugɔmʋʋ ˈmö ghlɛnɩ, nzɩ ɔ ˈkaɲɩ ˈmötɛɛnɔ ˈɲɛ, ˈn ɔ ˈkaɲɩ kwänɩ. (1P 5:10, 11) A -kä ˈyli yɔwʋ ˈtɛmanɩ nzɩ a ˈkä -sɩbhä ˈzʋʋ, -li a -liɛ. -Mä ˈa zɩkpaa ˈmö, a -kä Zoova -gänɩɩ, mii nɛnɩɛ.—Ps 16:11.
A NƖ YLƐ VIDEO BATƐƐMÖ A ˈYIOO, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:
-Lii a -mi -mumuë ˈplɩ ɔ ˈwlu, ˈn wa yuë bhä badizee ˈnɩ?
Sɛɛ -n ˈkä ɔ ˈzʋ -naˈa dlɩˈwʋkänɔɔ ˈkä ˈmö ˈtumanɩ, wʋ -kamö -mä ˈsunɩ, -n ˈkä -naɲɩ Zoova yowʋ ˈɲɛ ˈnɩ?
-Lii -mumuë kä a-a wa ˈkä nʋ nzɩ wa ˈkʋa badizee, ˈsaa ˈsunʋa ɔ -mä ˈn wa yi ɔ nʋ ˈnɩ?
-Muë -sɛɛ -lɛ Zoova a bʋbɔbʋbʋʋ, sɛɛ Zoova ˈpʋa ɔ ˈɲu ˈnɩ?
Nɩkpɛ ˈkä ɔɲɩ Zoova yowʋ ˈɲɛ ˈn wa ˈkɔˈɛ badizee, sɛɛ yɩ sɛ ɔ zɛmö ˈnɩ?