ˈZʋ -naɲɩ nɩkpa a ˈbhle ˈmö

Wa -kä -n ˈkä -naɲɩ nɩkpɛ a ˈbhle ˈzʋ nʋʋ, mii sɛɛ zɛmö nɩɩ, -n ˈkä ˈɔ dlɩpäsaa ˈmö ˈnʋ, ˈsaa ɔ kää dlɩ ˈwʋ, ˈn ˈsaa a gbʋ plɛnɔɔ. -A -kä -aɲɩ -mumuë a ˈbhle ˈmö zʋʋ, wa -yi sɛ, ˈn sɛɛ -a yɩbhää -a ˈkä nɩkpaa kwänɩɩ, mii ˈsunɩɲɩɛ -mä, ˈn -a zʋä -aɲɩ wa ˈbhle ˈmö. -Mä lagɔwɛlɩbiabɛyɩ, -a -kä -aɲɩ nɩkpa a ˈbhle ˈmö zʋʋ, yɩ tula nɩɩ sɛɛ Zoova -waa nɩkpaa, ˈn sɛɛ ɔ ˈzʋnʋaa ˈyli, yɩ gbäpöö mö -a gänɩɛ. Yɩ yiˈɛ -mä nɩkpa ˈsunɩ wa ˈkɔ yɔwʋ ˈdionɩ.—Fil 2:4.

-A ˈkä nɩkpa ˈcɩa a ˈyize a za, nza -aaa -aɲɩ wa ˈbhle ˈmö ˈzʋ, maa -mä -aˈa bhïlabhïlasaa ˈmö, -mä -aˈa ˈzʋzʋsaa ˈmö, ˈn -mä -aˈa yɛkayɛkasaa ˈmö, yɩ kä yɩ ˈkä -mä ˈyli ˈwlʋnɩ. -A -kʋa ˈylimö tulanɩ nɩɩ, wa gbʋ plɛnɩɲɩ -tiamö, yɩ tula nɩɩ, -aɲɩ -a zʋä wa ˈbhle ˈmö. ˈSaa a gbʋ plɛnʋa, ˈsaa wa kää dlɩ ˈwʋ, ˈn ˈwa kii wa -wʋä ˈmö, mö -a köbhaa ˈyli. -A ˈcʋa, ˈn -a kwänʋa wa ˈkäa ˈmö zigbonɩ. Maa -a ˈnʋaa ˈwlumö köbhänɩ nzɩ wa ˈkä ˈmö zigbonɩ. -Muë -a ɲɛɛ lagɔwɛlɩɩ, wa -kä ˈwʋ ŋlu nzɩ -a ˈkʋa kwänɩɩ, ˈmäna yɩ zʋʋɲɩɛ dlɩ zɛmö.

A NƖ YLƐ VIDEO, NƖKPA ˈKÄ ZEZWII A -NƲA ˈZƲ A ˈMÄNA YƖ KÄÄ ˈMÖ, -A NƖ GHLƖMAA. -A NƖ KÄ ˈSLƐLƐ: -A NƖ ˈZƲ -AƝƖ NƖKPA A ˈBHLE ˈMÖ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  Dɛɛ -Tlɛŋwanɩ ˈnɩɛ -pa yi nzɩ wa ˈkä Biblë ˈcɩɛɛ, sɛɛ Neta tula ɔ nɩɩ ɔɲɩ ɔ ˈzʋä -Tlɛŋwanɩ a ˈbhle ˈmö ˈnɩ?

• 

  Dɛɛ -Tlɛŋwanɩ nʋä nɩɩ, -lii ɔ pää ˈwʋ dlɩ teɲii yɩ -zuä zaa, ɔˈɔɔ bhɛnɩ ɔ ˈkä ˈcɩɛɛ, sɛɛ Neta tula ɔ nɩɩ ɔɲɩ ɔ ˈzʋä -Tlɛŋwanɩ a ˈbhle ˈmö ˈnɩ?

• 

  Dɛɛ -Tlɛŋwanɩ nʋä nɩɩ, ɔˈɔɔ -lii a ˈwlugïganɩyɔlʋ sa-a, sɛɛ Neta tula ɔ nɩɩ ɔɲɩ ɔ ˈzʋä ɔ ˈbhle ˈmö ˈnɩ?