LAGƆWƐLƖBIALIBHOO A ZA YƐLA -LII ˈMÖ ˈYIZE | TƐLƖ SƐ LAGƆWƐLƖBIALIBHOO -KAMÖ TEƝII ˈMÄNA DLƖ ZƐMÖ ˈZƲ
-A nɩ ŋlu ˈwʋ -aa lagɔdaayuë -kaɲɩ kwänɩ
Zoova -kaɲɩ kwänɩ a dɔˈwʋ, -a “ˈbhɩa lagɔgänɩwaa -wa -wʋä -mä bhlɩɩ ˈwuë -gömö,” ˈmö ɔ ɲɩaɲɩɛ. (1P 5:9) -Lii -yɩ ˈtɛɛnɩɲɩɛ kɛˈmö -mä lagɔwɛlɩbiabɛyɩ, wa bhɛnɩ wa -kaɲɩ kwänɩ -a ˈkɩ ˈwlu ˈplɩ. Saa -bhlʋ -kpɔ ˈla, -sɩbhä Akilasɩ -ɲɛ Plisilɩ ˈsɔ, Silasɩ, Timotee, ˈn lagɔdaayuë -mumuë kwänɩɛ Zezwii a tietieɲɔ Pɔɔlʋ.—Zt 18:1-5.
Sɛɛ -aa lagɔdaayuë bhɛnɩ ɔ wa -kaɲɩ kwänɩ -mä lagɔwɛlɩbiabɛyɩ ˈnɩ? -Mä lagɔwɛlɩbiabɛyɩ, wa ˈnɩ ˈyɩbhä wa -kaɲɩ ˈyukwli -pʋnɩ a sɛɛ -a ˈkää gbää, -a -kʋa ˈylɩmöä mö, -a -kä ˈyɩbhä -a -ɲʋa ˈsɔ ˈkä Biblë ˈcɩɛ, -a -käˈɛ nɩkpɛ Biblë ˈcɩa dɔˈwʋ -wʋ a ˈdɩmözʋwɛlɩɩ, wa bhɛnɩ wa -kaɲi ˈɲɛ. -Mä -naˈa lagɔzɩkpaa ˈmö, lagɔdaayu a -mɔ bhɛnɩɛ ɔ -kamö kwänɩ, ˈpɔ ˈwʋ dlɩ, ˈn ˈɲɔ ˈdɩ ɔ kamö kwänɩ. -N -kä -sɩbhä ˈzʋ, a ˈsɔ -kpɔ, a yi -li a -lii ˈmö ghlɩnɩ, ˈn yɩ bhɛnɩˈɛ yɩ ˈkä -mumuë ˈmäna dlɩ zɛmö ˈzʋ.—Fil 1:25.
A NƖ YLƐ VIDEO, NƖKPA ˈKÄ ZEZWII A -NƲA ˈZƲ A ˈMÄNA YƖ KÄÄ ˈMÖ, -A NƖ GHLƖMAA: -A NƖ ŊLU ˈWƲ ZOOVA -KAƝƖ KWÄNƖ: -AA LAGƆDAAYUË, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:
Sɛɛ Neta ˈpä ɔ -Tlɛŋwanɩ swɩ ɲɛmʋ ˈmö nzɩ ɔ ˈkä ˈwluyɩbhäyɩbhʋ ˈwʋ mö ˈnɩ?
-A -kä nɩkpɛ Biblë ˈcɩa möä yii, -yɩ kä ɔ ˈŋlɩ ˈn -a ˈkä ɔ lagɔdaayuë -mumuë ˈdɩ ˈɲɛ, nzɩ wa ˈkä ˈmämö ˈnɩ?
Lagɔzɩkpaa ˈwuë ma-a kää a ˈkä nɩkpɛ kwänɩ nzɩ ɔ ˈkä Zezwii a -nɔ ˈzʋ.
-Tlɛŋwanɩ -ɲɛ Abigayi ˈsɔ, -lu -mu nɛnʋa ɔ dlɩ yɔwʋ ˈnɩ?
-Mä lagɔwɛlɩbiabiu ˈmö, -lii a -mii -na lagɔdaayuë bhɛnɩ ɔ wa -kamö ˈcɩa ˈnɩ?