-A nɩ kwänɩ -muë -a ˈcɩaa Biblë wa ˈkä Lagɔ yɔwʋ ˈdionɩ

-Muë -a ˈcɩaa Biblë ˈkä Zoova yɩbhlɩnɩ ˈn wa ˈkä -mä lagɔwɛlɩɩ ˈmö -jɩbhɛnɩ a dɔˈwʋ, ˈsaa -a ˈcʋä a ˈyize cuu ˈmö waˈaa -kä wa ˈkä -yi. Maa, wa kä wa ˈkä waɲɩgäsɛ sɛ tɛlɩ nzɩ wa ˈkä -lii -mimii yɩbhlɩnɩ. (Mt 5:3; Eb 5:12–6:2) Sɛ wa ˈkää ˈzʋ nzɩ wa ˈkä Lagɔ yɔwʋ ˈdionɩ ˈyize, wa ˈkäˈɛ wa ˈkɩ -yi.

-A -kä nɩkpɛ ghlɩ -a ˈkää Biblë ˈcɩa, -a -kä ˈcɩɛ yi a sɛ ɔ ˈkää ɔɲɩ ˈwlu gïganɩ, -a nɩ slʋnɔɔ -sɩbhä cuu. ˈN -a nɩ ˈpɔ swɩ ɲɛmʋ ˈmö ɔ ˈkä -sɩbhä ˈzʋ. (mwb18.03 6) ˈPɔ swɩ ɲɛmʋ ˈmö, ɔ -kä ɔ ˈyize Biblë ˈcɩɛ yii, ɔ ˈkä Lagɔ bhibhe ˈwë nzɩ ɔ ˈkä bhäla tɛɛ. Sɛ ɔ bhɛnɩɛ ɔ ˈkä -ŋöŋöyukwli a sɛ a -lii ˈmö ghlɛnɩ nzɩ ɔ ˈkä ˈcɩɛ, slʋnɔɔ -sɩbhä. -Mä jw.org ˈklʋ a -lii wa ˈzʋä -mä ˈlili ˈwʋ, ˈn JW Tleviziɔ^® ˈmö a -nɩ, slʋnɔɔ sɛ ɔ ˈkiɛ ghlɩ. Sɛ ɔ ˈkää zila ˈwuë ˈmö Biblë ˈmö zɛlɩ, sɛ ɔ ˈkää ɔɲɩ ˈwlu gïganɩ ɔ -kä ˈwluyɩbhäyɩbhʋ ˈwʋ möä yi, sɛ ɔ ˈkää kïbhï ɔ ˈyɩbhänɩɛ ɔɲɩ ˈwʋ a zɛmösɛna sɛ tɛlɩ, slʋnɔɔ -sɩbhä pɛɛpɛpɛɛpɛ. Kwänɔɔ ɔ ˈkä ˈsaa ɔ cɩɛɛ dlɩ kɛ ˈpänɩ.

A NƖ YLƐ VIDEO, -MUË -N ˈCƖAA BIBLË KWÄNUË: WA ˈKÄ LAGƆ YƆWƲ ˈDIONƖ ˈYIZE, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  Sɛɛ Neta kwänɩ ɔ -Tlɛŋwanɩ nzɩ ɔ ˈkɩ ˈmö ˈnʋ nɩɩ, -mä ˈcɩɛcɩʋ ˈmö a dɔˈwʋ, nimïyɩbhäkïbhï a ˈyize a zɛmösɛna ˈmö ɔˈɔɔ -kä ɔ ˈkä -yi?

• 

  ˈSaa kwänɩ ɔ -Tlɛŋwanɩ ˈn ɔ kɩ ɔ dlɩ ˈwʋ nɩɩ, Zoova kä -lɔ ɔ ˈkä gbä nɩɩ -wa ˈnɩɛ -bhlɛ kwäkwänɩ, waˈaa -kä wa ˈkä -lɛ ˈwʋ?

• 

  Nɩkpɛ ˈkä lagɔwɛlɩɩ dlɩ kɛ ˈpänɩ a dɔˈwʋ, ˈsaa -Tlɛŋwanɩ ˈnʋ ɔ ˈmö?