ˈYiosɛlibhoo

ˈSaa ˗a yɩbhää ˗a ˈkä nʋ ˗mä lagɔlibhoo ˈmö, ˗a ˗kɩɩ ˗lɛ ˗sɛ, ˗a yi ˈnɛɛnɩsɛ ˗aˈa ˈmötɛɛnɔɔ libho ˈwʋ nʋnɩ. (1Kɔ 9:26) ˈSaa ˗a yɩbhää ˗a ˈkä nʋ, ˗a ˗kɩɩ ˗lɛ ˗sɛ, ˈtɛɲɩ ˗ɛ tʋä ˗mä ˈpɩwʋzokwë nɩ ˈkä ˈyli bhɩɛ, ˗a yɛ sasɛ libho ˈwʋ nʋnɩ. (Ɛf 5:15, 16) ˗Mä ˈa ˈligbë ˈmö a Biblë a ˈcɩɛcɩʋ ˈmö, ˈsaa a yɩbhää a ˈkä nʋ ˗mä lagɔlibhoo a ˈylʋbalelea ˈmö, a bhɛnɩ a ˈkɩ ˗lɛ ˗sɛ. ˈWluyɩbhäyɩbhʋ a ˈbɔgʋ ˈlɛ kä ˈdɩmözʋwɛlɩɩ ˈmö, ˗yɩ ˈkaɲɩɛ kwänɩ a ˈkä ˈsaa a ˈkää nʋ ˗lɛ ˗sɛ. A nɩ ˈpäni sasɛ dlɩ kɛ ˈn a nɩ bhibhe Zoova ɔ ˈkaɲɩ kwänɩ.—Zk 1:5.

ˈA ˈligbë ˈmö a ˗nʋa ˗kä ˈmö ˈnʋnʋnɩ, a glaˈmö a ˗nɔ ˗bhlʋ bhɛnɩ ɔ ˈkä ˈkwädlɩ a ˈyiosɛɲɔ ˈzʋ. ˈTɛɲɩ ˈyiosɛwaa ˗sɛɛ, ˈn a ˗kä dlɩ ˈpä nɩɩ aˈaa bhɛnɩ a ˈkɛ ˗sɛɛ, ˈa kii a ˗wʋä ˈmö a za, ˈyiosɛwaa a ˗muë ˗wʋä ˗sɩbhä ˈki ˈmö, a nɩ ˈyɩbhʋa nimï wa ˈkaɲɩ kwänɩ. (Pr 15:22) A ˗kä ˈa ˈligbë ˈmö a Biblë a ˈcɩɛcɩʋ ˗bhɛ dɔˈwʋ ˗wʋʋ, a bhɛnɩˈɛ a ˈkä ˈyiosɛɲɔ wäzɩ a ˈkɔ nimï ˈyɩbhää. ˈN sɛ a yɩbhää a ˈkä aɲɩ ˈwlu gïganɩ, a nɩ ˈceli. ˈN a glaˈmö ˗nɔ ˗käa bhlaˈmö ˈyiosɛɲɔ glɩnɩ, ɔ nɩ ˈpä sasɛ dlɩ, ɔ kä bhɛnɩ ɔ ˈkä ˈwʋ ˈsɔ ˈyiosɛɲɔ ˈzʋ a za.

˗Mä ˈa ˈligbëa ˈmö, ˗mumuë bhɛnɩ ɔ wa ˈkä ˈyiosɛwaa ˈzʋ ˗a? ˈCʋ ˗bhlʋ ˈmö ɛ ˗käˈɛ ˈcwɩ a ˗bɛ ˈmö ˗a? A ˈnɩ aˈbhë ˈmötɛɛnɔ ˗kää, maa sɛ zila zɩɛ ˈyize, a ˗kä ˈtɛɲɩke ˈwʋ ˈlibhï a ˈkä lagɔwɛlɩɩ bia, a bhɛnɩ a ˈkä ˈcʋ ˈmö a ˈyiosɛɲɔ ˈzʋ. ˈA libhoo a nʋä a zaa, ɛ ˗käˈɛ sɛ a möä ˗suku ˈmö a zaa, aˈaa ˗kamä bhɛnɩ a ˈkä ˈdimasɩ a ylɩ ˗mɛmɛɛ ˈmö lagɔwɛlɩɩ biamö. Zaa, cwɩ ˗yiɲɩ ˈmö ˈDimasɩ a ˈylɩ gbʋplʋ ˗ɲɛ ˈDimasɩ ˈsɔ ˗bhliɛ ngbï ngbï, a bhɛnɩ a ˈkɩ ˈwʋ ˈlibhï a ˈkä ˈcʋ ˈmö a ˈyiosɛwaa ˈzʋ. Wa ˗kaaɲɩˈɛ ˈylɩ ˈɲɛ, a bhɛnɩ a ˈkä ˈyiosɛwaa ˈzʋ. ˈTɛɲɩ ˗ɛɲɩ ˈmö a yɩbhää a ˈkä ˈcʋ ˈmö a ˈyiosɛlibho tɛɛ ˈn sɛ a yɩbhää a ˈkʋ nʋ, a nɩ ˈcɛli ˗lɛ wa laa Calendrier ˈklʋ.—Pr 21:5.

A NƖ YLƐ VIDEO, A NƖ ˈTƐƐ ˈYLI YƆWƲ... ˈYIOSƐWAA ˈN A NƖ YƖLƖ ˈ NIMÏYƖBHÄKÏBHÏ ˈLƐ YƆWƲ:

• ˗Wa sɛɛ waɲɩ dlɩ ˈn wa zʋä ˈyiosɛwaa, sɛɛ Zoova ˈzʋnuë ˈyli ˗wawʋ ˈmö, yɩ dɔˈwʋ ˈsaa ˗daayu Amaadɩ a wɛlɩɩ ˈcɩaɲɩ ɔ ˈnɩ?