˗ABHƲA KLƖTƖƐWAA SƐ ˗A ˗BHÖLƖƐ
˗Mä ˗aˈa ˈklɩyɩyɛ ˈmö Zoova kwänɩɲɩ ˈn ˗a plɩɛ ˈwlu
ˈPɩwʋ a ˈylibhɩɛtɛɲɩ ˈlɛ ˈmö, ˗lii a ˗bɛ ˗yɩ ˈtɛɛ teɲii ˈmö ghlɩɲɩ ˈyize. ˗Sɩbhä a ˗lii ˗kaɲɩ ghlɩ, ˗a bhɛnɩ ˗a ˈkä dlɩ ˈpä nɩɩ ˈklɩyɩyɛ ˗a ˗wʋä ˈmö, teɲii ɛ ˈtɛɛ ˈmö zaa, ˗aaa bhɛnɩ ˗a ˈkɛ ˈwlu ˈplɩ. (Is 43:2, 4) ˗A ˗kä ˈklɩ ˈyɩ dɔˈwʋ ˗wʋ, sɛɛ ˗a bhɛnɩ ɔ ˗a ˈkä Zoova yɔwʋ ˈdionɩ ˈnɩ?
Bibhebhibhiuu: ˗A ˗kä ˗aˈa dlɩ ˈwuë ˈmö Zoova bhibhee, ɔ yi gbä ˗aa dlɩ zɛmö yi ˗pälɛpälɛ ˗wʋ ˈn ɔ ˗yiɲɩˈɛ ˈmötɛɛnɔ ˈɲɛ ˗a ˈkä kii ˗a ˗wʋä ˈmö ˈwlu ˈplɩ.—Fil 4:6, 7; 1Te 5:17.
ˈWluyɩbhäyɩbhɩ: Lagɔwɛlɩɩ a ˈcɩɛcɩʋ ˈn ˗aˈa lagɔdaayuë Zoova ɲɩaɲɩɛ ˗mä ˈwluyɩbhäyɩbhʋ ˈwʋ, yɩ ˗lɛ ˗lii a ˗mi nɛnɩɛ ˗aa dɔˈwʋ. (Eb 10:24, 25) ˗A ˗kä ˗aɲɩ ˈwlu gïganɩ, ˗a ˗kä ˈwluyɩbhäyɩbhʋ ˈwʋ mö, ˈn ˗a ˗käˈɛ ˗mä bhïlamö, ˗li ˈla ˈwuë Zoova ˈgïla sɛ ɔ ˗kaɲɩ ˗mä lagɔwɛlɩɩ ˈmö kwänɩ, ˗a yi ˗li a ˗lii ˈmö ghlɩnɩ.—ˈYl 2:29.
Lagɔwɛlɩbiabiu: ˗A ˗kä ˈsaa ˈwuë ˗a bhɛnɩɛ nʋ ˈn ˗a ˈkä lagɔwɛlɩɩ bia ˈyize, ˗a ˈkä ˗li a ˗lii dlɩ ˈwʋ ˈpä ˈnaa ˗kaɲɩ kɛˈmö ˈtɛɛnɩ. Yɩ yiˈɛ ˈŋlɩ ˗kä, ˗a ˗ɲɛ Zoova ˈsɔ yi ˈwʋ ˗wʋnɩ ˈn ˗a ˗ɲɛ ˗aa lagɔdaayuë ˈsɔ yiˈɛ ˈwʋ ˗wʋnɩ.—1Ko 3:5-10.
A NƖ YLƐ VIDEO WA LAA, JÉHOVAH VOUS RECUEILLERA ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:
˗Daayu Malu ˈa ˈklɩ ˈwuë ˈmö, ˈsaa kwänɔ bhä ˈn ɔ ˗ɲɛ Zoova ˈsɔ ˗wʋnɩ ɔ ˈwʋ ˈyize ˈnɩ?
˗Daayu Malu a saa, ˗a ˗kä ˈki ˈmö ˗wʋ, sɛɛ Psaume 34:18 bhɛnɩ ɔ yɩ ˗kaɲɩ dlɩ ˈwʋ ˈtɛmanɩ ˈnɩ?
Sɛɛ ˗Daayu Malu ˈa wɛlɩɩ tula ɔ nɩɩ ˗a ˗kä ˈki ˈmö ˗wʋ, Zoova ɲɩaɲɩ ˈɔ “ ˈmötɛɛnɔɔ ˗wʋʋä yɛkanɩyi ˗kä” ˈnɩ?—2Ko 4:7.