˗ABHƲA KLƖTƖƐWAA SƐ ˗A ˗BHÖLƖƐ
ˈYukugänɩwa ˈa libhoo kä Zoova a ˗nʋa a ˗li a ˗lii ˈmö
Sɛɛ nɩkpa a ˗bɛ pää zɩˈɛ ˈkämanɔɔ a dɔˈwʋ dlɩ ˈnɩɛ nɛnɩ. Ɔ ˈkʋa ɔ yɩ za gbʋ ˈwʋ ˗dɩ ˈnɩ? Pɩwʋ nɩ ˈwʋ a nɩkpa, ˈzokwësɛ wa ˈkämanɩɛ ˈn ˈsaa kää wa ˈyize a ˗li a ˗lii ˈmö, ˈmö wa tɛlɩɛ sɛ. (Mi 7:3) Sɛɛ ˗aˈa ˈyukugänɩwaa ˈkää sasɛ ˈwa ˈkämanɔɔ ˈmö ghlɛnɩ nzɩ wa ˈkä ˈsaa kää ˗aa ˗li a ˗lii ˈmö sɛ tɛlɩɩ, ˈmö wa ˈcɩɛ. Yɩ ˗bhöɲɩ teɲii ˈmäna ˈwʋ.—Est 10:3; Mt 20:25, 26.
Sɛɛ mäˈä ˈpɩwʋ a ˈkämanɩwaa nʋnɩɛ ˈzokwësɛ ˈwa ˈkämanɔɔ libhoo ˈmö, ˈyukugänɩwaa ˈnɩ ˈzʋ wabhlɩ ˗sɩbhä. ˗Maa, sɛ wa ˗waa Zoova ˗ɲɛ ˈɔ ŋëyii ˈsɔ a za, sasɛ wa nʋä ˈwa libhoo. (Zaa 21:16; 1P 5:1-3) Zezwii ˈa ˈdɩmözʋwɛlɩɩ ˈmö ˈyukugänɩwaa ˗gänɩɛ, ˈn wa kwänɩɛ lagɔdaayuëa wa ˈkä ku ˈmö ˗bulonɩ ˗mä Zoova a ˗nʋa jijoˈwʋ, ˈn wa ˗ɲɛ Zoova ˈsɔ ˈkä ˈkwädlɩ ˈwʋ ˗wʋnɩ ˈyize. ˈYukugänɩwaa ˗bhɩɔ ˈkwädlɩ ˈmö wa ˈkä Zoova a ˗nʋa kwänɩ lagɔsɛ a dɔˈwʋ, ˈn wa ˗bhɩɔ ˈyɛ ˈmö wa ˈkʋa kwänɩ gu ˈkʋa ˈlɩbhää, ˈn ˗lizoku ˗käˈɛ ˗mä wa ˈbɛyɩ ˈyli ˈwlʋnɩ. ˗N ˗kä ˈki ˈmö ˗wʋ, ˗n bhɛnɩ ˗n ˈkä ˈyukugänɩwaa ˈylɩmöä mö.—Zk 5:14.
A NƖ YLƐ VIDEO WA LAA, DES BERGERS QUI PRENNENT SOIN DU TROUPEAU, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:
ˈYukugänɩwaa kwänɩɛ Maliana, sɛ ɔ ghlɩni ɔ ˗li a ˗lii ˈmö ˈnɩ?
ˈYukugänɩwaa kwänɩɛ Eliasɩ, sɛ ɔ ghlɩni ɔ ˗li a ˗lii ˈmö ˈnɩ?
Sɛɛ ˗a ˈkää ˈyukugänɩwaa a libhoo ˈwʋ yɩlɩ a dɔˈwʋ, ˈsaa wɛlɩ ˈlɛ ˈcɩaɲɩ ɔ ˈnɩ?