˗ABHƲA KLƖTƖƐWAA SƐ ˗A ˗BHÖLƖƐ
ˈYuëlowluwaɲɩ, a nɩ ˈcɩa ˈa yuëa sɛ wa ˈkää Lagɔ ˈmäna dlɩ zɛmö ˈzʋ
Zoova a ˈyila ˈklʋ a dɔˈwʋ ˗dɩgböö kä teɲii dɛsɛ. Sɛ wa ˈkunɩɛ ˈmlɩ ˈn wa möä ˈyukusɛɛ, ɔ köbhɩ ˈyli. (1S 2:26; Lk 2:52) Yuëa, wa yi ˗bhlɛ ˈtikïyie ˈwʋ ˗wʋ aˈbhë ˗kë, wa bhɛnɩ wa ˈkä Zoova ˈmäna dlɩ zɛmö ˈzʋ ˗mä ˈwa ˗li a ˗lii wa nʋä ˈmö. (Pr 27:11) Zoova ghlɛnɩ ˈɔ ˈwlugïganɩzɩkpa ˈmö ˈn ɔ ɲɛɛ ˈyuëlowluwaa ˗lii a ˗mi ˈkʋaa kwänɩ. Yɩ ˗lɛ ˗lii a ˗mi wa ˈkää ˈmö ghlɛnɩ nzɩ wa ˈkä ˈwa yuëa ˈcɩa sɛ wa ˈkɔɔ ˗waa ˈn sɛ wa ˈkɔɔ ˈklʋkpamö ˈzʋ.
A NƖ YLƐ VIDEO ˗WƲ NƲÄ, ˈYUËƝƖ, ˈA SƐ A ˈKUNƖƐ ˈMLƖ ˗BHÖ ZOOVA ˈMÄNA ˈWƲ! ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:
ˈDɩmözʋwɛlɩ a ˗mi Zoova ɲɛ ɔ ˈylʋböö ˈwuë ˈmö yuëa, nzɩ ɔ ˈkʋa kwänɩ ˈnɩ?
˗Lii a ˗mi ˗wʋ ɔ ˗mä ˗aˈa ɛtɛnɛtɩ a dlɛsɩ ˈklʋ, ˗yɩ bhɛnɩ ɔ yɩ ˈkä ˈyuëlowluwaa kwänɩ ˈnɩ?
˗N ˗kä ˈyu glɩnɩɩ, ˗lii Zoova ɲɩamöä, sɛ yɩ kä ɔ ˗na ˗li a ˗lii a ˈmö ˈnɩ? ˈN ˗yɩ kä ɔ ˈŋlɩ ˈnɩ?