-Mä -naˈa lagɔlibhoo ˈmö a dɔˈwʋ mö ˈyukusɛ ˈyize
1. Tɛkäklɩtɩɛwaa ˈa ˈwʋ pälɩ kïbhï mɩ tula bhä nɩɩ, -abhʋa zɩˈɛ a lagɔwɛlɩɩ biawaa -a kä -a ˈkä ˈyukusɛ mö -mä -aa lagɔwɛlɩɩ bia libhoo ˈmö ˈnɩ?
1 -Mä ˈwa lagɔwɛlɩɩ bia libhoo ˈmö, klɩtɩɛwaa kä wa ˈkä ˈyukusɛ mö. Mɩ kää ˈŋlɩ ˈn Zezwii yiɛ ˈɔ ˈwʋ-bhlinɩwaa kwänɩ nzɩ wa ˈkä ˈslɛlɛ kä -mä ˈwa lagɔwɛlɩɩ bia libhoo ˈmö. (Lwi. 9:1-5; 10:1-11) Mɩ käˈɛ ˈŋlɩ ˈn ˈPlisilɩ -ɲɛ Akilasɩ ˈsɔ yiɛ Apolɔsɩ “wäzɩ ˈn wa yoo Zezwii ˈa wɛlɩɩ sasɛ dlɩ -gömö -sɛsɛnɩ.” (Ztw. 18:24-26) Mɩ käˈɛ ˈŋlɩ ˈn Pɔɔlʋ yiɛ Timotee, nɩkpɛ a mɔɔ yɛ -mä lagɔwɛlɩɩ bia libhoo ˈmö gwälɛ, swɩ ɲɛmʋ ˈmö ˈpä ɔ ˈkä sasɛ Lagɔ ˈa wɛlɩɩ nɩkpa ˈcɩa. “-Lɛ a dɔˈwʋ, sɛ ɔ möä wʋ nʋnʋ dɔˈwʋ ˈyukusɛ, nɩkpa ˈwuë yi -sɩbhä ˈylɩmö.” (1 Tim. 4:13-15) -Mä -aa lagɔwɛlɩɩ bia libhoo ˈmö a dɔˈwʋ, -a yi -mä gwälɛ aˈbhë -kë oo, -a kä -a ˈkä sɛtɛlɩ sɛ -a kʋä sasɛ nʋ ˈyize.
2. Sɛ -a ˈkä bhä -mumuë a dɛ ˈcɩɛ ˈnɩ?
2 -A nɩ ˈcɩɛ -mumuë a dɛ: -A -kä nɩɩ, -a ˈkä ˈslɛlɛ kä nʋ, -a kä -a ˈkä -mumuë a dɛ ˈcɩɛmö. (Prov. 27:17) Zaa, -mä -aa lagɔwɛlɩɩ bia libhoo ˈmö, lagɔdaayu -a -ɲɛ -bhlinɩɛ ˈwʋ -kä lagɔwɛlɩɩ ˈɲɛ dɔˈwʋ -wʋ, -a nɩ köbhɔɔ sasɛ ˈyli. Lagɔdaayuëa -wa kää ˈslɛlɛ -mä ˈwa lagɔwɛlɩɩ bia libhoo ˈmö ˈa ˈdɩmözʋwɛlɩɩ wa ˈɲɩamöä -pʋni sasɛ ˈyukwli. (Prov. 1:5) Sɛ -n ˈkää nɩkpa -n ˈɲɛɛ lagɔwɛlɩɩ ˈwʋ ˈsɔ ˈylɩmöä mö, sɛ -n ˈkää nɩkpa Biblë ˈcɩa, sɛ -n ˈkää lagɔwɛlɩɩ bia libhoo a ki -mimii ˈmö susunɩ, -lii nɩ ˈwuë -n ˈnɩɛ -kamä -yi -a? Ɛ -kä mi, ˈɲɛ lagɔdaayu -ɔ -gänɩɛ ˈa lagɔwɛlɩɩ bia libhoo a -zɩkpa ˈyuku ɛ -käˈɛ lagɔdaayu -ɔ yɛ -mä lagɔwɛlɩɩ bia libhoo ˈmö gwälɛ ˈdɩ, nzɩ ɔ -kamö kwänɩ. Ligba nɩɩ, Zoova ˈa ˈwugɔmʋʋ bhɛnɩ ˈwʋ -kamö kwänɩ, zaa bhibhee kwädlɩ Zoova ɔ -kamö ˈɔ ˈwugɔmʋʋ ˈɲɛ.—Lwi. 11:13.
3. ˈN -n nɩ nɩkpɛ ˈdɩmözʋwɛlɩɩ ˈwʋ yɩbhänɩ aˈbhë, ˈn ɔ -kamö ˈdɩ ˈmö zʋʋ, sɛɛ -n ˈkɩ bhä ˈwʋ ˈlibhï ˈnɩ?
3 ˈN -n nɩ nɩkpɛ ˈdɩmözʋwɛlɩɩ ˈwʋ yɩbhänɩ aˈbhë, ˈn ɔ -kamö ˈdɩmözʋʋ, tɩ yɩ zaa ˈklɛ ˈpä. (Eccl. 7:9) ˈZʋ Apolɔsɩ a sa, tɩ -naɲɩ ˈkɔdɔ ˈmö ˈwʋ ˈlibhï. Wa -kamö ˈdɩmözʋwɛlɩɩ ˈɲɛɛ, -pʋni ˈyukwli, yɩbhlɩnɩsɛ nɩɩ, -li a -liɛ -na dɔˈwʋ.—Prov. 12:15.
4. Zezwii a dɔˈwʋ, ˈsaa kä ɔ ˈŋlɩ ˈn -a kä bhä -a ˈkä ˈyukusɛ ˈmö -mä -aa lagɔwɛlɩɩ bia libhoo ˈmö ˈnɩ?
4 -A -kä ˈyukusɛ möä, Lagɔ ˈa ˈŋlɩ ˈmö -a ˈghlimanɩɛ: ˈNine Zezwii ghlɛnɩ a-a ˈmö ˈn ɔ yiɛ ˈɔ ˈwʋ-bhlinɩwaa swɩ ɲɛmʋ ˈmö ˈpä nzɩ wa ˈkä ˈyukusɛ mö -mä wa lagɔwɛlɩɩ bia libhoo ˈmö. Su -wʋ tlʋä bhïï ˈmö Zezwii pälɩɛ ɔɲɩ ˈwʋ. ˈƆ ˈwʋ-bhlinɩwaa -wa -saa -lɛ, mʋa -lɛ su ˈla a kïla. Ɔ lɛ nɩɩ, ˈɔ dɩba suklɩ ɛ tlʋä ˈmö ɔ zʋnɩɛ ˈylɩ “ɛ ˈkä teɲii tlʋ” a za. (Zaah 15:2) Sɛɛ glʋglʋɲɔ yɩbhäˈɛ nɩɩ ˈɔ glʋglʋlii nɩ tlʋʋ sasɛ, -sɩbhä Zoova yɩbhä nɩɩ, -a nɩ kä ˈslɛlɛ -mä -aa lagɔwɛlɩɩ bia libhoo ˈmö, “-mä nɩkpabhë ˈa ˈyila ˈklʋ, a-a nɩ ˈghlimanɩ ˈkwädlɩ ˈɔ ˈŋlɩ.” (Eb. 13:15) Lagɔwɛlɩɩ bia libhoo ˈmö a dɔˈwʋ, -a -kä ˈyukusɛ möä, -li a -lii a mɩ yɩ kä ɔ ˈmö ˈnɩ? Zezwii mɔɔ -ɲɩaɲɩɛ yɩ zɛmösɛna. Ɔ lɛ nɩɩ: “Bhïï Lagɔ yɩbhää, a -kɩɩ tlʋ ˈtɩɩ, -lɛ a dɔˈwʋ, na -nʋä a glɩnɩɛ -tiamö, mɩɩ ˈkää na dɩba Lagɔ ˈa ˈŋlɩ ˈghlimanɩ.”—Zaah 15:8.