-Aˈa lagɔbɔgwɩɩ, -a nɩ -swii ˈnɛɛnɩsɛ

Zezwii lɛ nɩɩ: “ˈmötɛɛnɔɔ n ˈɲaɲɩɛ, a -nɩɩɛ wʋ ˈwlumö ˈpɛnɩ zaa, [...] -bɛ nɩ taɲɩ ˈpɛnɩ.” (Mt 10:⁠8) Wɛlɩ ˈlɛ ˈmö -a zʋä ˈklʋkpamö, nza -a nɩ ˈpää Bible -ɲɛ -aˈa lagɔbɔgwɩɩ ˈsɔ ˈpɛlʋ. (2Kɔ 2:​17) -Aˈa lagɔbɔgwɩ ˈla kä gbëawɛlɩɩ a -mii kää dɛsɛ ˈmö, -yɩ ˈbhöönɩɛ Lagɔ ˈa wɛlɩɩ ˈmö. Wa ˈkä lagɔbɔgwɩ -bhɛ, wa ˈkɩ lagɔzɩkpö ˈwuë ˈyio ˈwʋ ˈpä a dɔˈwʋ, teɲii wa nʋä libho ˈn moni a -bɛ wa plɩɛ. Zaa, -a ˈkää libho ˈmö nʋnɩ a ˈyize, ˈmö -a nɩ ˈlibhï ˈwʋ.

-A -kä lagɔbɔgwɩ ˈɲɛɛ yii, ɛ yi nɩkpabhë a ˈyli ˈklʋ a lagɔ­wɛlɩɩ biabiʋ ˈmö oo, -a nɩ ˈɲɩ ˈɲɛɛnɩsɛ. (Mt 7:⁠6) -A nɩ ti ˈfʋ ˈplɩplɩwa ˈɲɛ, maa -a -ɲʋa nɩ -sɛ ˈdɩ nzɩ -a ˈkä -sɛ -yi nɩɩ yɩ gbʋ plɛnʋa. Nimïyɩbhäkïbhï -yɩ -wʋä dɛɛ -ziple nɩ ˈmö a glaˈmö a -na -bhlʋ a dɔˈwʋ, -n yi ɔ “nn” nʋ -a? -N ˈni -tiasɛ dlɩ ˈwʋ -kä nɩɩ, lagɔwɛlɩɩ a gbʋ plɛnɔɔ, ˈɲɔ kpʋke. Maa ɔ -kämö peliodikö ˈyɩbhänɩ, ɛ -käˈɛ lagɔbɔgʋ -mumuu, ˈɲɔɲɩ.—Pr 3:27, 28.