ˈSaa a ˈtɛɛnɩɛ dlɩ a za, a nɩ nʋ ˈmäna

-Aa dlɩtɛɛnɩdɛ, leyii wa ˈnigbanɩɛ batoo a sɛ ɛ -wʋä. (Eb 6:​19) Gïɲɛ a -gbɔkwälɩ a sɛ a -lizoku -kaɲɩ ghlɩɩ, -mɛɛ kwänɩɲɩɛ ˈn a ˈnɩ -sɛɛ lagɔwɛlɩɩ kɛˈmö. (1Ti 1:​18, 19) Wa laa gïɲɛ a -gbɔkwälɩ bhɛnɩ yɩ ˈkä -lii -yɩ ˈkuanɩɲɩɛ swɩ yɔwʋ glɩnɩ, -a ˈnɩaˈa -lu -kä, ˈlɩbhägu -wʋʋ bhɩɛɛ, -aa dɛsɛkänɩkpɛ a ˈkwie, ˈn -lii ˈwuë -yɩ bhɛnɩɛ yɩ ˈkä -aˈa dlɩˈwʋkänɔɔ ˈwʋ -sɛnɩ.

Dlɩˈwʋkänɔɔ ˈn dlɩtɛɛnɩdɛɛ, mii kää ˈŋlɩ ˈn ˈsaa Lagɔ gbää ɔ -käɲɩ ˈɲɛ, ˈn -a yɩlɩɛ gbëaa ˈwʋ.(2Kɔ 4:​16-​18; Eb 11:⁠13, 26, 27) -A yi -mä zlɩ ˈmö -bhölɩnɩɛ yi oo, -a yi mäˈä dʋdʋ ˈwʋ -bhölɩnɩɛ yi oo, ˈsaa Lagɔ gbää ɔ ˈkä ˈyli ˈwälanɩ, -yɩ cɛlɩɛ -mä ˈɔ Wɛlɩɩ ˈmö, -a nɩ ˈpänii dlɩ kɛ nzɩ -a ˈkɔa dlɩ ˈwʋ -kä ˈyize. -Lɛ a dɔˈwʋ, ˈklɩyɩyɛ -yiɲɩ ghlɩ oo, -a yi ˈkwädlɩ ˈmäna ˈmö -wʋ.​​—⁠1P 1:​6, 7.

A NƖ YLƐ VIDEO WA LAA « RÉJOUISSEZ-VOUS DANS L’ESPÉRANCE » ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• -Yɩ kä ɔ ˈŋlɩ ˈn -a ˈkä ɔ Moyizɩ ˈa ˈgbäpö -gänɩ ˈnɩ?

• Libho a -mu ˈligbëlowluwa kä ɔ ˈnɩ?

• -Mä ˈligbë ˈmö a Biblë a cɩɛcɩʋ ˈmö, ˈkïbhï a -mii a bhɛnɩ ɔ a ˈkä yɔwʋ yɩlɩ ˈnɩ?

• ˈSaa -n ˈtɛɛnɩɛ dlɩ, sɛ wʋ -kamö ɔ kwänɩ nzɩ ˈklɩyɩyɛ kamö ghlɩɩ, -n ˈnaa ˈkä -gu?

• -Lii a -mii -n -kʋnɩ ɔ ˈnɩ?