ˈCƖƐCƖƐKÏBHË 2

Bhïla ˈklʋkpamözʋsɛ, sɛ wa -kamöä sasɛ ˈmö ˈnʋ

2 Kɔlɛɛtɩ 2:17

ˈSAA -N ˈKÄÄ NƲ: -Naˈbhë sɛɛ -n bhïla ˈkwädlɩ, ˈn wɛlɩɩ -n -wʋä bhïla dɔˈwʋ, sɛ yɩ -wʋä -mä -na dlɩ zɛmö ˈn sɛ -n pää ˈyukwlipʋnɩwaa a dɛ dlɩ, bhïla -sɩbhä.

SƐƐ -N ˈKÄÄ ˈZƲ:

Bhibhe ˈn gïganɩ -naɲɩ ˈwlu ˈtɩɩ. Bhibhe Lagɔ, ɔ -kamö kwänɩ nzɩ wɛlɩɩ -n ˈkää ˈmö -sɛnɩ a ˈyize a gbʋ -kamöa plɛnɩ. ˈSaa -n ˈkää bhïla nɩ -wʋmö ˈwlumö ˈtɩɩ. -N -kä bhïla dɔˈwʋ -wʋ, ɛ nɩ glɩnɩ -naˈa dlɩ zɛmö a wɛlɩɩ, maa tɩ -yɩ cɛlɩɛ a ˈyize ˈmö zɛlɩ.

-N -kä Biblë ˈmö zɛlɩɛ yi, ɛ -käˈɛ lagɔbɔgʋʋ, -yi sasɛ dɛɛ -n ˈkää ˈmö zɛlɩ, -sɩbhä a dɔˈwʋ, -n ˈkäa ˈtɩɩ ˈmö zɛlɩ. -N -kä ˈmö zɛlɩ dɔˈwʋ -wʋ, sɛ yɩ ˈkää dlɩ zɛmö plɛ ˈn sɛ -n bhïla ˈkwädlɩ, zɛlɩ -sɩbhä ˈmö.
Sɛ yɩ -wʋä -mä -na dlɩ zɛmö, bhïla -sɩbhä. -Yɩ kää ˈŋlɩ ˈn ˈsaa -n ˈkää bhïla kää dɛsɛ ˈyukwlipʋnɩwaa a dɔˈwʋ, mö -n nɩ ˈpä dlɩ ˈwʋ. Sɛ -n ˈnɩgböä, -naˈa bhïlabhïlasaa, ˈn sɛɛ -na ˈklʋ ˈmö -wʋä -n -kä bhïla dɔˈwʋ -wʋ, yɩ nɩ tula nɩɩ, -n kä ˈsaa -n bhïla dlɩ ˈwʋ, ˈn -n -lɛ ˈyukwlipʋnɩwaa a bheyi.

-N ˈkä bhïla wa ˈkä sasɛ ˈmö ˈnʋ ˈnɩɛ zɛmö -sɛ nɩɩ, -n ˈkä nɩkpa ˈklʋkpamö -sɛ. Köbha sasɛ -naˈa wɛlɩɩ -n bhïlaa ˈyli, ˈn yɩ nɩ kä ˈklʋkpamö.
Yɩlɩ -naˈa ˈyukwlipʋnɩwaa ˈklʋ. Yɩ -kä -sɩbhä ˈwʋ -ŋwa, yɩlɩ ˈyukwlipʋnɩwa ˈklʋ. -N -kä bhïlabhulu -bhɛ dɔˈwʋ -wʋ, yɩlɩ bhʋlʋbhlʋ ˈyukwlipʋnɩwa ˈklʋ, maa tɩ wa ˈwuë ˈgämö ˈwʋ yɩlɩnɩ.