LAGƆWƐLƖBIALIBHOO A ZA YƐLA -LII ˈMÖ ˈYIZE | TƐLƖ SƐ LAGƆWƐLƖBIALIBHOO -KAMÖ TEƝII ˈMÄNA DLƖ ZƐMÖ ˈZƲ
-Muë -a ˈcɩaa Biblë -a nɩ kwänuë wa ˈkä ˈwluyɩbhäyɩbhɩ ˈwʋ ˈmämö
-Mä -tiamö a bʋbɔbʋbʋ ˈmö, ˈwluyɩbhäyɩbhɩ ˈwʋ a mömɛ -lɛ -lu a -mu kää teɲii dɛsɛ. (Ps 22:22) Nɩkpa -kä ˈwlu ˈyɩbhä nzɩ wa ˈkä ˈgämö Zoova bʋbɔnɩ, ˈmäna yɩ zuëë dlɩ zɛmö ˈn ɲupälɩ wa ghlɩɛ. (Ps 65:4) ˈLɩlɩlɩ a dɔˈwʋ -muë -wʋä Biblë ˈcɩɛ dɔˈwʋ, wa -kä ˈkwädlɩ ˈwluyɩbhäyɩbhɩ ˈwʋ ˈmämö, yɩ gbä ˈn wa möä ˈwʋ ˈpäpanɩsɛ ˈyukusɛ -mä lagɔwɛlɩɩ ˈmö.
-Muë -a ˈcɩaa Biblë, sɛɛ -a bhɛnɩ ɔ -a ˈkʋa kwänɩ wa ˈkä ˈwluyɩbhäyɩbhɩ ˈwʋ mö ˈnɩ? -A nɩ wäzɩnʋa ˈwluyɩbhäyɩbhɩ ˈwʋ ˈyize. Video, ˈSaa wa nʋ ɔ -mä Lagɔ ˈa ˈKämanɔɔ a -budu ˈnɩ? a nɩ tulanʋaɲɩ ˈylimö. Wa -kä ˈwluyɩbhäyɩbhʋ ˈwʋ mö, sɛ yɩ kää wa -li a -lii ˈmö, -a nɩ -sɛsɛnʋaɲɩ dlɩ -gömö. (lff ˈcɩɛcɩɛkïbhë 10) ˈWluyɩbhäyɩbhɩ -wʋ ˈplɩɛ a ˈsaa -a ˈcɩɛ -mä, -a nɩ bhïla yɩ wɛlɩ. -Wʋ -gää ˈyuku a nɩ, -a bhɛnɩˈɛ -a ˈkä yɩ wɛlɩɩ bhïla. -Mä ˈwluyɩbhäyɩbhʋ ˈwʋ a ˈbɔgʋʋ -a ˈkää ˈmö ˈcɩɛnɩ, -a nɩ ˈɲʋaɲɩ. -A nɩ kwänuëˈɛ kii -mimii ˈmö, sɛɛ wa ˈkää ˈzʋ wa ˈkä ˈwluyɩbhäyɩbhɩ ˈwʋ mö. -A -kä ˈyli yɔwʋ ˈtɛmanɩ ˈn -mɔ -a ˈcɩaa Biblë -kä ˈɔ tɛkä ˈwluyɩbhäyɩbhʋ ˈwʋ mö, -a yi ˈylɩmö nɩɩ -aaa ˈfʋ yɔlɔ.—1Kɔ 14:24, 25.
A NƖ YLƐ VIDEO -MUË -N ˈCƖAA BIBLË KWÄNUË: WA ˈKÄ ˈWLUYƖBHÄYƖBHƲ ˈWƲ MÖ ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:
ˈKi a -mi Neta ghlɛnɩ ɔ ˈmö ˈn ɔ yi ɔ -Tlɛŋwanɩ ˈwluyɩbhäyɩbhʋ ˈwʋ wäzɩnɩ ˈnɩ?
-Mɔ -a ˈcɩaa Biblë -kä ˈwluyɩbhäyɩbhʋ ˈwʋ yii, -yɩ kä ɔ ˈŋlɩ ˈn yɩ zʋʋɲɩ ɔ ˈmäna dlɩ zɛmö ˈnɩ?
“Lagɔ -wʋaɲɩ -tiamö jijoˈwʋ.”
-Tlɛŋwanɩ möä ˈɔ tɛkä ˈwluyɩbhäyɩbhʋ ˈwʋ, ˈsaa yɩ nɔ bhä ˈwlu ˈnɩ?