Mateus

3 Sanggah hundul Jesus i Dolog Jaitun, roh ma susianni sanggah lang adong halak na legan. Isungkun sidea ma, “Patugah ham ma bennami, antigan ma masa ai janah aha ma tanda ni parrohmu ampa ujung ni dunia on?” 6 Bogeionnima ma pasal porang ampa barita ni porang. Tapi ulang mabiar hanima halani maningon masa do ai, age pe sonai lape roh ujungni. 7 “Ai marsilawanan do bangsa dompak bangsa anjaha harajaon dompak harajaon. Janah masa ma lohei ampa gempa bani buei ianan. 14 Anjaha, ibaritahon do ambilan na madear pasal Harajaon in i sab dunia on, gabe hasaksian bani ganup bangsa, dob ai pe roh ujungni. 45 “Ise do sasintongni juakjuak na bujur anjaha na maruhur, na ipilih tuanni laho mangurus jabolonni na legan, na mambere mangan bani panorangni? 46 Martuah ma juakjuak ai halani tongtong mangkorjahon horjani sanggah roh tuanni! 47 Sintong do na huhatahon on bannima, ipilih tuanni ma ia laho mangurus haganup artani.