FUNGU 8

Nanyinu ata fati ni Insa misi fotuni ?

Nati Insa amizenyi atsika hu velugnu (Yuhani 3:16)

Viavi mizaha kaburi ni Insa, tsisi ata raha

Insa nati ata nomba zuva telu, nisi viavi nandeha nizaha kaburinazi, tsi hitandreu izi. Jéhovah namelugnu izi ndreki.

Insa hitani maswahabanazi, boka eu izi manunga an maingu

Boka eu, Insa nihita ndrihavani ndreki mwanafundinazi renyi.

Ankitinyi, Jéhovah nagnapudi Insa malaika matandzaka ndreki, tsi hu mati kua. Reu nitandrenyi Insa (mwanafundinazi) nahita fanungani amini maingu.

Nivilomi Ndragnahari ndreki Insa, natoni Ampandzaka ni fandzakanazi (Danieli 7:13, 14).

Boka an anrishinazi an Fandzakani, Insa mandeyi holumbelu mikueshi pevoni an tani etu

Insa nagnamia maishanazi isuli fati ni holumbelu (Mata 20:28). Iu ro raha natoni Ndragnahari ata holu meti hu velugnu daima.

Jéhovah nifidi Insa natoni Ampandzaka ni tani djabi. Holu zatu efampulu efatra ambi arivu (144 000), tsi nivadiki an Ndragnahari, mbu velugnu ndreki an maingu. Insa ndreki reu handei fandzakana ni haki an maingu : fandzakanʼNdragnahari (Fagnabukuana 14:1-3).

FandzakanʼNdragnahari iu mbu hagnanu tani pevoni. Tsi hisi kua adi, famunuana holu, usikini ndreki musari. Hu ravuravu holumbelu djabi (Zabura 145:16).