FUNGU 3

Karaha akori maesha taluha teu ?

Jéhovah nagnamia raha maru tsara an’Adam ndreki Hawa (Jenezi 1:28).

Hawa natoni Jéhovah, nampanambadianani ndreki Adam

Hawa viavi natoni Jéhovah taluha, nampanambadianani ndreki Adam (Jenezi 2:21, 22).

Jéhovah nagnamia reu fahizana ndreki vatategna mahampi, tsisi kosa.

Adam ndreki Hawa ravuravu mizaha pevoni, mahala ipetrahandreu

Adam ndreki Hawa velugnu ti pevoni. Teu mahala tsara, nisi muroni, kakazu mamua ndreki bibi maru.

Jéhovah nivulagna ndreki Adam ndreki Hawa, nagnantra reu. Reu ka nitandrenyi Ndragnahari, reu mbu nivelugnu dahari an-tani etu.

Nisi vuan-kakazu areki tsi nimbuan-Ndragnahari hanina (Jenezi 2:16, 17).

Kakazu areki tan pevoni, tsi nimbuani Jéhovah haninyi Adam ndreki Hawa vuani

Jéhovah nampizaha Adam ndreki Hawa kakazu areki. Reu ka mihinagna vuani, reu mbu hu mati.

Shaituani Ibilisa, malaika rati, mampiasa bibilava ivulagnana ndreki Hawa

Nisi malaika areki nierinyi Ndragnahari. Malaika rati iu kahindreu Shetwani Ibilis.

Tsi tia ni Shetwani Adam ndreki Hawa hagnaraka vulagna ni Jéhovah. Nampiasa bibilava izi nagnambara Hawa : neka izi mihinagna vuani kakazu iu, izi tsi hu mati fo mbu miragna ndreki Ndragnahari. Ne zu vandi (Jenezi 3:1-5).