Mbamba foé Marc a nga tili

16 Mvuse Sabbat, Marie Madeleine, Marie nyia Jacques a Salomé, be nga ke kuse mimbone mi ne mbamba menyume na ba ke wo’o mie nyule Yésus. 2 A nga kune ke soñe môs ôsu ya sondô, éyoñe jôp é nga tôô. 3 Be nga zu ba kobô zene zene na: “Za a ye feneke bia akok é ne anyu soñ?” 4 Ve éyoñe be nga bete mis, be nga yene na, be fenekeya akok, akusa bo a mbe beta akok. 5 Éyoñe be nga ke nyiine soñ, be nga yene mone ndôman a too si mfa’a ya mbo nnôme wop a be’e éfumulu éyé, a be mbe fe’e ne vema. 6 A nga jô be na: “Te mia ko woñ, ye mia jeñe Yésus ya Nazareth, nyu be nga bômôlô élé? A wômôya a nji bo va. Tama yenan! Nne be nga bôé nye va. 7 Ve kele’e katané beyé’é bé a Pierre na, ‘A keya yange mia ôsu e Galilée, nne mia ye yene nye wôé, fo’o ve aval a nga kate mia.’” 8 Éyoñe be nga kôlô soñ, be nga tup be kele’e ba nyeñeban, amu be nga jañele fek, a be nji kate môt éziñe jam éte amu be mbe be ko woñ.*