Krist a nga tôbane minjuk asu dangan

“Bôt be nga biasé a li’i nye . . . Bi nga yene nye ane nyô Zambe a nga bibi a samele” (Mfefé Nkôñelan)

53:3-5

• Be nga biasé Yésus, a bôte nye ajô na a kobô Zambe ébiasé. Abui bôt é nga simesane na Zambe a nga fonôsô nye ane nge a lume nye mbia ôkon

  

“Yéhôva a nga yen mvaé ya ve nye bedu’i, . . . a nkômbane Yéhôva w’aye ke ôsu mo mé été”

53:10

• Teke bisô, Yéhôva a nga wô’ô mintaé éyoñ a nga yen ane ba wôé nye Mon. Ve a nga wô’ô mvaé éyoñ a nga yen ane Yésus a nga ke ôsu a wulu ba’aba’a a nye. Awu Yésus é nga ve éyalane ya bisô Satan a nga bo mfa’a ya bebo bisaé be Zambe, a awu te é nga so fe bibotan asu bôte ba kôñelane minleme miap. Awu Yésus é nga volô na “nkômbane Yéhôva” ô jaléban