Vô’ôlô Zambe​—Avale bia yiane belane nye

Be nga kuli nsoé kalate Vô’ôlô Zambe na, be ye’ele bôte ba dimine lañ, mintene miñye’elane ya Kalate Zambe a bive’ela. Ñye’elan ôse ô bili mefebe mebaé, a mefebe mete mese me bili bive’ela a ndem ja liti aval éve’ela jia ja tôñe ji vok, asu na ô yeme bie timin.

Nsoé kalate Vô’ôlô Zambe ndemben wo ye nyiñe nnôm éto ô bili avale bive’ela da ane Vô’ôlô Zambe; ve ô bili abui mintilan, a beyé’é ba ve’ele yeme lañ, be ne belane wô. Môt a ye’ele nyô mbok Mejô me Zambe a wô’ô dañe nye’e a belane wu ô bili abui mintilan, a môt a yé’é a belane Vô’ôlô Zambe. Abui mefep é bili minka’ale mi bili mefoé be ne sañetane me nge môt a yé’é a bili ngule ya bo de.

Ô ne ve minsoé mi kalate mite aval éyoñ ése, ja’a sa ke mmie ba yiane ve ngon. Éyoñ wo bo ayé’é ya Kalate Zambe, bela’ane bive’ela na, ô timine bifuse bi Kalate Zambe. Sili’i môt mia nye mia yé’é minsili mia ye bo na, nye’ fe a kobô; a jeñe na ô tu’a yem nge a te wô’ô jôme mia te yé’é. Lañ a fase bifuse bise bi ne afebe si. Éyoñ ô maneya ayé’é ya nsoé kalate, mia yiane yé’é Jé Kalate Zambe a ne ye’ele bia? asu ya na ô volô môt a yé’é na, a yaé nsisim akekui mbaptizô.