“Va’ane bezambe ya meyoñ mefe”

Jacob a mbe a yeme’e na a yiane kañe ve Yéhôva étam, to’o atiñ éziñ e nji be e kama’ane nkañane bengunemelan. (Nk 20:3-5) Éyoñe Yéhôva a nga jô nye na a bulane Béthel, Jacob a nga jô bôte bé bese na be vaa bengunemelane bese be mbe be bili. Nde Jacob a nga jame be, to’o bimvônga (éko éziñ bôt be mbe be jaé bie asu na be titane mimbia minsisim). (Met 35:1-4) Teke vaa nge beté, Yéhôva a nga wô’ô nye mvaé amu mboon ôte.

Den, aval avé bi ne liti Zambe na nnye étame bia kañ? Bia yiane taté sa’ale bengunemelan, nge ke biôme bise bi tii a mimbia minsisim. Nalé a tinane na bi kandane biôme bise bi tii a ngbwel, a na bi kôme fiale mimvômane miangan. Ajô ete nde, sili’i womiene na: ‘Ye ma nye’e ma lañ bekalate, nge ke yene befilm ba liti bevampire, bezombie, nge mam me tii a dibi? Ye mimvômane miam mi bili magie, kôñ, ye mia liti bôte be bo’o ngbwel asu na bôte be woé?’ Bia yiane sa’ale jôm ése Yéhôva a vini.​—Bs 97:10.

YENE’E VIDÉO “WOSA’ANE DIABLE,” MVUSE YA VALÉ YALA’ANE MINSILI MI:

• 

  Palesa a nga bili njuk ôvé?

• 

  Amu jé bia yiane jeñe mvolane bemvendé éyoñe mimbia minsisime mia ndeñele bia, nge môte bia yem?

• 

  Asu na Yéhôva a kamane bia, biôme bivé bia yiane kandane bie?

• Beta be mame bevé Palésa a nga bo?

• Vôme wo nyiñ, mam mevé wo yiane bo asu na ô sa’ale mimbia minsisim?