Enjeñané na bi bo atyeñ ésaé nkañete​—Bia yiane yé’é na bi kañete a zene ya becaméra a b’ interphone

AMU JÉ NALÉ A NE MFI? Mbôle ñyemane mam ô nto étu’a abui, a mbôle bôte ba ko mbia be bôte woñ, abui bôt da belane becaméra a b’ interphone menda map. Bi ne ko woñe éyoñ bia kômbô kañete môt bi lôô ki asu, ve nye a to ngule ya yene bia a zene ya camera. Melebe bia zu yene ma, ma ye volô bia na bi bo teke ko woñe ya kañete a zene ya camera nge ke interphone.

AVALE BI NE BO DE:

• Te tyi’i na be vo’o vô’ôlô wo. Bôte béziñ be bili becaméra a b’interphone menda map, abui ya été da nye’e e laan a bia

• Te vuane na, becaméra béziñ ba nyoñe bôte minkobô ôsusua na wo kute mbé, a na, mmie nda a ne yene wo a vô’ôlô jôme wo jô nné ane wo tebe nye mbé

• Éyoñe mmie nda a yalan, kobô’ô interphone nge ke camera ane ô lôô nye a mis. Muñu’uk a kobô ane wo jaé zu wo kobô. Kate’e nye jam wo te kômesane na wo zu kañete fo’o ve ane a tele wo ôsu. Nge caméra a ne, te bem asu e caméra. Te li’i foé nge mmie nda a nji yalane wo

• To’o éyoñ ô maneya laan a nye, te vuane na mmie nda a ne ke ôsu a fombô wo nge ke wô’ô jôme wo jô