Ye wo yene fo’o biyalan ya meye’elane môé?

Bible a ne njalan a bive’ela meye’elan Yéhôva a nga yalan. Éyoñ bebo bisaé be Zambe ba yen avale Yéhôva a volô be éyoñ ba kate nye mam ma ndeñele be, teke bisô na mbunane wop wo tu’a yem. Nde ñhe, e ne mvo’é na éyoñ bia ye’elan, bi yoé Yéhôva minleme miangan a jeñe na bi yen aval a yalane bia. Yeme’e na éyalane jé é ne selan a mam wo te sili nye meye’elane môé, nge ke dañ abime wo too ô simesa’an. (2Bec 12:7-9; Béep 3:20) Aval avé Yéhôva a ne yalan meye’elane mangan?

• A ne ve bia ngule nyul a yemete minlem miangan, nge ke wônô bia mfa’a ya nsisim asu na bi ke ôsu a jibi nju’u wongan.​—Beph 4:13

• A ne ve bia fe’e ya nyoñe mbamba ntyi’an.​—Jc 1:5

• A ne ve bia nkômban a ngul ya bo jam éziñ.​—Beph 2:13

• A ne bo na nlem ô bômbô bia si ne mieññ éyoñ jam éziñ da tyelé bia nleme yôp.​—Beph 4:6, 7

• A ne belane bôte bevok na be ve bia ngule nyul, nge ke ngule nlem.​—1Jn 3:17, 18

• A ne vô’ôlô meye’elan bôte befe ba bo asu dangan.​—Mam 12:5, 11

YENE’E VIDÉO A NE NLÔ AJÔ NA YÉHÔVA A NE ZAMBE A “WÔ’Ô MEYE’ELAN,” MVUSE YA VALÉ, YALA’ANE MINSILI MI:

• Aval avé éve’ela Mojañ Shimizu é ne ve bia ngule nyul nge ôkon wo ndeñele bia?

• Aval avé bi ne vu éve’ela Mojañ Shimizu?