Ye Bengaa be Yéhôva ba buni na bitétéa bi nga téban tañe melu me saman?

Téké’é. Bengaa be Yéhôva ba buni na Zambe nnye a nga té biôm bise. Ve be nji kañese na biôm bite bise bi nga tébane tañe melu me saman. Amu jé be nji buni nalé? Amu na mam abui beyeme mam ba jô ma jeñe na me té Kalate Zambe si. Tame yene bive’ane bi:

1. Melu me saman si é nga téban me ne nté mbé? Abui beyeme mam da jô na, môse ôse ya melu me samane mete ô bili mewolo 24. Ve Kalate Zambe a liti na éfia “alu” é ne bo beta ayap éyoñ.—Metata’a 2:4; Besam 90:4.

2. Si é bili mimbu tañe ya? Abui beyeme mam d’aye’ele na, si é bili fo’o ve betoyini mimbu tyôtyoé. Ve jame da Kalate Zambe ki a jô na si se a émo minlañ bi nga téban ôsusua melu me saman ya ntéan biôm. (Metata’a 1:1) Ajô te Bengaa be Yéhôva be se ngule ya kañese mam beyeme mam ba jô.

Akusa bo na Bengaa be Yéhôva ba buni na, si nyô é nga téban, be nji wosane ñyemane mam. Ba simesane na nya ñyemane mam a Kalate Zambe ba lu’an.