E bo étôtôlô nsisim
Avale bia te jô nlô ajô ôsu ya kalate mefoé nyi, abui bôte da nyoñe Bible ane kalate a ne étyi. Ba yene na, éyoñe ba lañ a tôñe melebe ma so été, ba subu Zambe bebé a ba kui na be yeme nsôñane y’ényiñ.
Kalate Zambe a belan éfia “étôtôlô nsisim” na a liti été môt a bili ényiñe jé. (Jude 18, 19) E bôte be nji kômbô na Zambe nnye a liti be zene ba yiane tôñ be too mebun a asimesane dap bebien, ve bôte ba yi na Zambe a liti be zen ba nyane melebe mé.—Beéphésien 5:1.
NDI NLEM
ÑYE’ELANE YA BIBLE: “Nge w’aku som môse ya abé, wôna ngule jôé [ja ye bo] tyôtyoé.”—Minkana 24:10.
JÔME NALÉ A TINAN: Nge ô bili atek éyoñe wo tôbane minju’u y’ényiñ, ngule jôé é ne man. Wônaa, ndi nleme ki é ne volô bia na bi bi ngule ja sili asu na bi k’ôsu. Ndi nlem ja volô bia na bi yeme na, minju’u miangan mi ne v’asu ôyôme nté.
JAM Ô NE BO: Simesa’ane mbamba be mame ma yange bia melu ma zu. Te tyele nleme yôp a mam me ne boban nge yange na mam mese me wulu ve nkone nkon; bo’o mame ma sili asu na ô tôé minsôñane miôé. E n’été na, bi kusa bo jé, “bidim” bi ne kui bia. (Écclésiaste 9:11) Ve nya ajôô a ne na, mam me wô’ô wulu mvo’é a dañ abime bi nga too bi simesa’an. Asu na a timin ajô te, Bible a belan éve’ane mbé mefup a jô’ô na: “Miase mvoñe jôé mame tyé a te ve wo wôé awo’on mame ngô’é; amu ô nji yeme jôm ja ye bo nya jômô, nge jina nge jili, nge na bibaane bi ne bo mvo’é.”—Écclésiaste 11:6.
BIYALANE YA BETA MINSILI Y’ÉNYIÑ
ÑYE’ELANE YA BIBLE: ‘Mejô môé me ne benya mejôô.’—Besam 119:160.
JÔME NALÉ A TINAN: Bible a ve biyalane ya minsili bôte bese be wô’ô zu ba sili. Éve’an é ne na, a ve biyalane ya minsili ane mi
Nne bia so so vé?
Amu jé bi ne si va?
Jé ja kui môt éyoñ a wu?
Ye susu’a ényiñ é ne fo’o ve na ô bialé, ô yômbô, ô wui?
Bemilion be bôte ya si se ba te yene mfi ya bi biyalane ya minsili mite a mi mivok.
JAM Ô NE BO: Jeñe’ na ô yé’é Kalate Zambe. Sili’i Ngaa Yéhôva ase ô ne tôbane nye na a volô wo mfa’a ôte. Kele’ yen anjeñe mefoé dangan jw.org, nge na, tame zu tabe ésulane jangan. Bi nji sili bôte moné, môt ase a ne ngule ya nyiin.
MIÑYE’ELANE MIFE YA BIBLE
Yene’e vidéo a ne nlô ajô na, Amu jé wo yiane yé’é Bible? e jw.org. Ô ne ngule ya yene nye minkobô a lôte 880
DA SILI NA Ô YEME ZAMBE A TÔÑE MEVINDA MÉ.
‘Mvom a bôt be ne azoé mfa’a ya nsisim.’—MATTHIEU 5:3.
JEÑE’ NA Ô YÉ’É ABUI MAM AFE A LAT A ZAMBE.
“Jeñe Zambe . . . [a] yene nye . . . A nji bo môt ase ya be bia ôyap.”—MAM MINLÔMAN 17:27, Mfefé Nkôñelan.
LAÑE’ A BINDI FOÉ JA SO KALATE ZAMBE.
“A yene mvaé jé e metiñ me [Yéhôva]a été, a bindi me nlem môs ba alu. . . . Jam ese a bo da wulu ve mvo’é.”—BESAM 1:2, 3.
a Kalate Zambe a liti na éyôlé Zambe é ne Yéhôva.