Ñye’elane 1

Aval ône yem jé Zambe a yi

Nya foé mbé ane Kalate Zambe été? (1)

Za ane nlô ya Kalate Zambe? (2)

Amu jé w’ayiane ye’é Kalate Zambe? (3)

1. Kalate Zambe ane édima das j’aso be Zambe. A funan kalate ésa a tili bone bé a nye’e. A ye’ele bia benya mejôô mfa’a ya Zambe—za ané a jé a sôñ. A tu’a liti bia aval avé bi ne bi ngul y’adañe minjuk a avale bi ne yene benya mevak. Kalate Zambe étam nye a kate bia jé bi ayiane bo nge bi akômbô ve Zambe nleme mvaé.—Besam 1:1-3; Esaïe 48:17, 18.

2. Bôt bebé 40 be nga tili Kalate Zambe tañ mimbu 1600, a taté mbu 1513 Yésus a ngenan te bialé. A bili bekalate 66. Nsisim Zambe ônga volô bôt be nga tili Kalate Zambe. Be nga tili asimesane Zambe, be nji tili asimesan dap bebien. Nalé a liti na Zambe nye ane nlô ya Kalate Zambe, sa ke môt a binam.—2 Timothée 3:16, 17; 2 Pierre 1:20, 21.

3. Zambe émien nye anga bo na Kalate wé a tiliban a tabe ayap. Bôt be kôme ya bekalate abui, ve Kalate Zambe akômban ya abui alôté be. Bôt bevok b’ébo te yene mvaé na ôye’é Kalate Zambe. Ve te télé aye’é dôé. Enyiñ jôé ya nnôm éto étii nyemane wo yeme Zambe a mboane wo bo nkômban wé, ja’a wo tôban mewosane.—Matthieu 5:10-12; Jean 17:3.