Nne moné wongan a so so vé?

Bia kuli a kabe bemilion be Bible a bekalate befe e zezé. Bia lôñ a ba’ale Meba m’Éjôé a be Béthel. Bia su’u bemissionnaire bangan a Bekristene bese ba saé Béthel. Bia volô fe bôt éyoñe mbia jam a kui be. Nsili ô ne na, nne moné wongan a so so vé?

Bi nji nyoñe ngab awômô nge ntolé. Bisaé biangane bise bia sili fo’o abui moné, ve bia sili ke nye môt. Nkume mmombô a bete baa a nga kui, a mbe a jô’ô na “bia buni na Yéhôva nnye a su’u bia. Bia ye ke sili môt éziñ moné nge ja’é jôm éziñ.” Nde, nne moné ate a so bia vé? ​—Matthieu 10:8.

Mimvean. Bôt abui ba nye’e ésaé bi abo, jam ete da tindi be na be ve a nleme wop ôse. Bengaa be Yéhôva bebiene ya si ése ba wô’ô mvaé ya ve éyoñ, ngul a biôme bi mo biap asu ésaé Zambe. (1 Minkañete 29:9) Bitôkan a bisulane bise, minkop mi ne asu môt a yi na a ve a nlem ôse. Ô ne fe ve a zene ya anjeñe mefoé dangan jw.org. Moné wongan a dañe so be bôte be nji dañe bi abui moné aval ane nkuse minga ya Temple ô nga ve bifase bi moné bibaé. (Luc 21:1-4) Nalé a liti na môt ase a ne ve avale “nleme wé ô tyi’iya.”​—1 Becorinthien 16:2; 2 Becorinthien 9:7, Mfefé Nkôñelan.

Bi too ndi na Yéhôva émien a ye ke ôsu a botane môt ase a ‘wumulu nye a biôm bi mo bié’ asu na nkômbane wé ô boban.​—Minkana 3:9.

• Nselan ôvé ô ne zañe Bengaa be Yéhôva a miñyebe mivok?

• Mimveane mia volô jé?