Éjôé ja ye jôô si se

Ye wo yeme Éjôé bia kômbô jô je?— Nalé, a ne Éjôé Zambe, Éjôé jé bo na si é bo paradis. Ye wo yi na bi tu’a kobô ajô ya Éjôé te?—

Éjôé ése é bili njôô bôt. A njôô bôt ase a jôé bôte bese be ne Éjôé jé si. Ye wo yeme za a ne Njôô ya Éjôé Zambe?— A ne Yésus Krist. A to e yôp été. Ana’ana, é bo Njôé bôte bese be ne si. Ye wo buni na bii nyiñe meva’a été éyoñe Yésus é bo Njôé ya si se?—

Bia ye bi angôndô ya mevak! E paradis, teke na bôte bé beta juan nge ke bita. Môt ase é nye’e nyu mbok. Môt a ye beta kon, nge wu. Mindindim mi yen, mindôndok mi wôk, a bôt be se ngule ya wulu den, bé mate mimbil a yôô. Môt ase é bi jôme ya di. Mvo’é jé bo e zañe betit a zañe bôt a betit. Bôte be maneya wu bé wômô. Befam a binga bi maneya wô’ô minlañe nsoé kalate wu ane Rébéca, Rahab, David, a Élie bé wômô fe a beta nyiñ! Ye wo kômbô yene be éyoñe bé wômô?—

Yéhôva a nye’e wo a a yi na ô nyiñe meva’a été. Nge ô kele ôsu a jeñe na ô yeme nye, a bo nye mewôk, wé bo ngule ya nyiñe nnôm éto e paradis! Ye nde wo yi nalé?—