Ba biasé ngaka’a jap

Yéhôva a nga jô Moïse na: ‘Za’a koone ma nkôle yôp. Ma zu tili metiñe mam bifase mekok a ve wo me.’ Nde Moïse a nga bet nkôle yôp; a nga bo melu 40 wôé. Nté a mbe wôé, Yéhôva a nga tili Metiñe Awôm e bifase meko’o bibaé, a ve bie Moïse.

Éyoñ bon b’Israël be nga yene na éyoñ é lôteya abui, be nga taté na ba buni na, Moïse a vuaneya be. Ane be nga jô Aaron na: ‘Bia yi môt a wulu bia. Kôme’e bia zambe!’ Ane Aaron a nga yalane be na: ‘Va’ane ma or.’ Ane a nga futi or ate nduan, a mane nyemé, nde a nga kôm mon ényaka a nye. Nde ayoñ é nga taté na da jô na: ‘Mon ényaka nyi a ne zambe wongan, nnye a nga kôté bia minkôm Égypte!’ Be nga taté na ba kañe mon ényaka ate, a bo fe beta abôk. Ye be nga yeme bo? Momo, amu be nga bo Yéhôva ngaka’a na, ba ye kañe ve nnye étam. Ve, éyoñe ji, be biaséya ngaka’a éte.

Yéhôva a nga yene jam ete, nde a nga jô Moïse na: ‘Bula’ane be bone b’Israël. Be boya ma melo, a be nga kañ évuse zambe.’ Éyoñ éte Moïse a nga sis, a bili bifase meko’o bibaé mo.

Nté a mbe a za’a a subu, Moïse a mbe a wô’ô bôte be yia bia. A yene fe be be jeme’e, a be kute’ mon ényaka meboñe Moïse ve wô’ô mbia ôlun. Ane a nga bibi bifase meko’o a mbe a bili si ne béé! Bi ve mane bolé. Été été, a nga taté fe na a bôé éve’ela mon ényaka. Nde a nga sili Aaron na: ‘Aval avé bôte ba be nga kui na be tindi wo na ô bo avale jame di?’ Aaron a nga yalane na: ‘Te wô’ô te me ôlun. Wo kôme yeme bôte bôé. Be nga jô me na ba yi zambe mfe, ane me nga futi or wop nduan, mon ényaka nyi ve kui!’ Aaron a nji be a yiane bo jam ete. Ane Moïse a nga beta bulane nkôl, a ye’elane Yéhôva na a jamé ayoñ.

Yéhôva a nga jamé ba bese be nga liti na ba bo nye mewôk. Ye ô yeneya amu jé é mbe mfi na bon b’Israël be semé éto Moïse, môt a mbe a wulu’u be?