SIKÔLÔ 1

Mbamba menyiine me nkobô

Mam Minlôman 17:22

ÔBALEBAS: Menyiine me nkobô môé ma yiane ve bôte nkômbane ya vô’ôlô wo, ma yiane volô be na be yeme nlô ajô wôé, a amu jé ô ne mfi asu dap.

Va’a bôte nkômbane ya vô’ôlô wo. Sili’i bôte ba vô’ôlô wo nsili, laane be nlañ éziñ, kañete’e be jam éziñ é nga boban, nge ke na, kate’e be foé éziñ é ne ve be évé ya vô’ôlô wo.

Taté’é nyoñ éyoñe ya fase mame ma fombô bôte ba vô’ôlô wo, a ma ma tyelé be nleme yôp. Nalé aye ve wo mbamba mbôka’a asu menyiine me nkobô môé.
Volô’ô bôte na be yeme nlô ajô wôé. Menyiine me nkobô môé, va’a ngule ya bo na bôte ba vô’ôlô wo be wôk jame wo zu kate be ne sañesañ, a nsôñane ya été.
Kate’e be amu jé nlô ajô ôte ô ne mfi. Bo’o na bôte ba vô’ôlô wo be yeme bevôme miñye’elane mite mi ne volô be. Môt ase ya be be a yiane kôme yem aval avé nlô ajô ôte wo nambe nye.

Éyoñ wo kômesane nkañete, sili’i womiene na, ‘Minju’u mivé bobejañe ba tôbane mie? Bo’o ñhe na menyiine me nkobô môé me lu’an a miñyiane miap.