SIKÔLÔ 16

Ñye’elan wo lôñ a ve bôte ngule nyul

Job 16:5

ÔBALEBAS: Dañe’ ye’ele bôte mame ma ve be nkômbane ya tyendé a ma ma ve be ndi nlem.

Biik mbamba été nsisim a lat a bôte ba vô’ôlô wo. Tabe’ ndi na bobenyoñe ya nsisim ba kômbô ve Yéhôva nlem avak. To’o wo yiane ve be melep, taté’ se’e be éyoñ ése ô bili fane ya bo de.

Nye’ane ñwô wo yiane bo mbôka’a ya mame wo jô, sa ke ôlun. Bo’o ô fombô’ô bôt a mone vioé biyaé asu ya na be yeme na, wo yeme tebe été jap, a na be ne tabe wo ndi.
Te jalé nkañete wôé ve a mame ma ve bôte mekua. Kate’ bôte ba vô’ôlô wo mefulu ba yiane tyendé fo’o ve nge da sili. Tyiñe nkobô jôé ja yiane ve bôte ngule nyul.
Yeme’e belane Kalate Zambe. Kate’ bôte mame Yéhôva a boya, ma a bo éyoñe ji, a ma aye bo melu ma zu asu bôte bese. Va’a bôte ba vô’ôlô wo ndi nlem a ayo’o nlem.