Mame bôte ba so ba yiane yem

BENYOÑE BÔT Mingumba mi bôt mi bili na mia volô wo. Bo’o be mewôk mfa’a ya vôme wo yiane telé metua wôé, avale wo yiane nyiin a kui, nge mfa’a ya mba’alane bito, a ke ke.

MBATIZÔ Bito y’ôsu, nnoñe ya ézezañ, bi ne asu bôte ba ye duban. Bôte bete ba yiane tabe bito bite mame tyé ya môs éwônga ôsusua na, nkañete ya mbaptizô wo taté. Môt ase a yiane so tawôlô wé, a biyé bi ne éjijin asu mbaptizô.

MIMVEAN Beta étôkane nyi a te sili abui moné asu nkômane bito, biko mezik, a abui mam mefe ma ye volô na étôkan é bo abeñ, a na é volô bia na bi subu Yéhôva bebé. Mimveane miôé mia so nlem, mia ye su’u beta étôkane nyi, a ésaé nkañete ya si ése. Minkobe mi tele mingumba bevôm asu mimveane mite. Ô ne fe bo mimvean nkol kele’e donate donate.jw.org. Bia ye kañese mimveane mite mise a mevak. Tin Ékôan ja ve wo akéva asu mbamba nleme wôé a tindi wo na ô suk Éjôé Zambe.

MVOLAN ASU MINKÔKON Ba’ale’e na, mvolan ôte ô ne ve asu akon da bi wo atemetem.

BIÔM BIA TE JAÑ Ngumba wofis ô ne asu biôm bia te jañ. Nge wo jeñe jôm éziñ, kele’e wofis ôte, ô ke yemelane ji é ne énjôé. Bebiaé be ne ke wôé, a jeñe bone bap ba te jañ. Ve yeme’ na, vôm ate a nji bo vôm ba ba’ale bon. Bia ye’elane wo na ô kôme ba’ale bone bôé fefele jôé.

BITO Semé’é bôte bevok. Te vuane na, ô ne ba’ale bito ve asu bôte mia be be mia te so metua wua, bôte mia be be mi to nda jia, nge bôte mia be be mia yé’é Kalate Zambe. Te bôé biôm bito nge wo ye ke tabe.

WOFISE YA BÔT BA SAÉ A MBAMBA NLEM Nge wo kômbô volô bisaé biziñe ya beta étôkane nyi, jeñe’e na ô yene bôte ya wofise wo tebele bôt, a wofise ya bôte ba saé a mbamba nlem.

BIKÔAN BI NE NGUM AVAL

Sikôlô bekañete mbamba foé ya éjôé Bia loene bekpwa’a mefan be ne zañe mimbu 23 a 65, ba kômbô nene ésaé nkañete jap ékôan asu sikôlô bekañete mbamba foé ya Éjôé, môse sondô, éyoñe zañe môs é lôteya. Foé ja ye kat awolo, a vôm ékôan éte ja ye boban.