JIA 159
Va’a Yéhôva duma
(Besam 96:8)
1. Za, ng’ô vaa wo a Yéhôva
A ne Njôô ya bejôô bôt ?
Jé fo’o me ne kôme ve wo
Amu wo nye’e m’a lôte nné ?
Éyoñ ma fômbô vôm ô né,
Me lôô v’étôtok a ngul.
Nde za me né a Yéhôva
Na ô liti ma mvame jôé ?
(NKAÑESAN)
A Zambe wom, vô’ôlô jia ma yia ji,
Jia y’ékaña’a ma yia wo.
A Zambe wom, a Njôô ya nnôm éto,
Nyoñe jam da yiane wo,
Nyoñe duma ma ve wo.
2. Nyoñ ényiñ jam a Yéhôva,
Ma yi n’é ve wo duma.
Ma nye’e ma kañ’te mvame jôé,
A ye’ele bôt mezene môé.
Ma bo w’ésaé a Yéhôva,
Wo wo ve ma mvom éte.
Wo wôé wo su’u ma môs ôse.
Si nyi ma ye kañe ve wo !
(NKAÑESAN)
A Zambe wom, vô’ôlô jia ma yia ji,
Jia y’ékaña’a ma yia wo.
A Zambe wom, a Njôô ya nnôm éto,
Nyoñe jam da yiane wo,
Nyoñe duma ma ve wo.
3. Éyoñ ma yen mam ô nga té :
Mañ, vian, atété ya yôp.
Ma wô’ô mevak, ma kute kôp,
Me lôô nye’ane wôé vôm ase.
Jôm ése y’été é n’abeñ,
Ja lit’abim fek ô né.
Nde ye me ne bo te ve wo
Duma amu mam ô nga té ?
(NKAÑESAN)
A Zambe wom, vô’ôlô jia ma yia ji,
Jia y’ékaña’a ma yia wo.
A Zambe wom, a Njôô ya nnôm éto,
Nyoñe jam da yiane wo,
Nyoñe duma ma ve wo.
(Fombô’ô fe Bs. 96:1-10; 148:3, 7.)