“Éjôé jôé é za’ak”: Meye’elane bemillion be bôt ba ba’alan éyoñ ése
Ye ô wô’ô ye’elane na Éjôé Zambe é zu? Den a nga ke mintete mimbu bemillion be bôte ba ba’alane bifia bi: “Éjôé jôé é za’ak.” Amu jé ba ba’alane bifia bite? Amu Yésus a nga jô beyé’é bé na be ye’elane na Éjôé Zambe é zu.
Beyé’é be Yésus be nji be be yeme’e mam mese me tii a Éjôé Zambe. Jôm ete nje be nga sili nye na: “A [Tat] ye éyoñ é kpwaneya na ô beta telé éjôé ya ayoñ Israël?” Be nga yiane kam éyalane Yésus a nga ve be amu, a nji kate be môs nge awolo Éjôé éte ja ye so. (Mam Minlôman 1:6, 7, Mfefé Nkôñelan) Ye nalé a tinane na bi vo’o yem jé é ne ne Éjôé Zambe, a éyoñ évé éjôé éte ja ye so? Momo!
Nkume mmombô a bete nyi a ye volô wo na ô bi biyalane ya minsili mi:
Amu jé da sili na Éjôé Zambe é so?
Za a ne Njôô ya Éjôé Zambe?
Éjôé Zambe ja ye jôé si éyoñ évé?
Bibotane bivé Éjôé Zambe ja ye soo bie?
Amu jé bia yiane su’u Éjôé Zambe ataté den?
Jé é ne Éjôé Zambe?