Akusa bo meve’ele, Job a nga yem ne bip

Éyoñ ayoñ Israël é mbe minkôm Égypte, Job a mbe a nyiñe nlam Uts. Ja’a na a nji be mon Israëlite, Job a mbe nya mbo ésaé Zambe. A mbe a bili beta nda bôt, a mbe mvo’é minsôn, a nya môtô ya nlame wé. A mbe mbamba mvee melep, a ntyi’i mejô a ne zôsôô. A mbe fe a volô minzôzôé. Job a mbe fo’o zôsôa môt.

Job a nga liti ne sañesañe na, môt a dañe mfi ényiñe jé a ne Yéhôva

1:8-11, 22; 2:2-5

• Satan a mbe a kôme yeme na, Job a wulu ba’aba a Zambe. A nji sôane na, Job a mbe a bo’o Zambe mewôk, ve jam a nga sôan, é mbe beamu be mbe be tindi Job na, a bo Yéhôva ésaé

• Satan a nga jô na, Job a bo Yéhôva ésaé amu a sôñe ngume jam

• Yéhôva a nga jô’é na Satan a ve’ele mbamba môt ate, asu na é kôme yené na, Satan a ne nlaa minsos

• Éyoñe Satan a yeneya na, Job a maneya dañe meve’ele mete mese, éyoñe te a zu viane jô na, bôte bese ba kañe Yéhôva, be nji bo jame te e zezé

• Job a nji sem, nge ke ve Zambe mekua