NDA BEKALATE watchtower ya nkol

NDA BEKALATE YA NKOL

mwb16 Ngone nyini afep 3
Va’a bôte bevo’o ngule nyul a mbamba bifia

Ényiñe Kristen a ésaé nkañete jangan—Kalate bisulan (2016)

mwb16 Ngone nyini afep 3

BIDIMA BI MAME YA KALATE ZAMBE | JOB 16-20

Va’a bôte bevo’o ngule nyul a mbamba bifia

Mejô me mvee melep ma yiane ve bôte bevo’o ngule nyul

16:4, 5

Job a mbe a bili ate’e nlem amu minju’u mi mbe mi lôteya nye nkôñ, jôme te nje é mbe é sili’i na, be ve nye ngule nyul
Bemvôé be Job be nji belane bifia bia ve ngule nyul. Be nga viane bôté nye mejô, a kô’ôlane mintaé mi mbe nye nlem

Mbia bifia bi Bildad bi nga bo na Job a wô’ô émien éngôngo

19:2, 25

Job a nga ye’elane Yéhôva na a nyii nye, ja’a a jibi jô’é na a wu
Job a nga ke ôsu a jibi minjuk, amu a nga futi ndi nleme jé ése ñwômane miñwuan

Éliphaz a kobô Job nté Bildad ba Tsophar ba vô’ôlô

BÔTE BE NGA BÔTÉ JOB MEJÔ

Éliphaz:

A mbe a yiane be môte ya Théman, tisone ya Édom. Bia lañ e kalate Jérémie 49:7 na Théman a mbe tisone ya mbôndane fek ya si Édom
Éliphaz nnye a nga taté nyoñe nkobô, amu nnye a mbe mvendé, a to fe môte be mbe be dañe vô’ôlô. A nga nyoñe nkobô biyoñe bila, nnye fe a nga kobô a dañe bôte bevok

Mejô a nga bôté Job:

A nga jô na, Job a jañele éyoñe na a bo Zambe ésaé, a na, Yéhôva a nji bisi bôte ba wulu ba’aba’a a nye (Job 4, 5)
A nga jô na, Job a ne mebun a mbia môt. A nga jô fe na, Job a nji ko Zambe woñ (Job 15)
A nga jô na, Job a ne ôzañ akum, a ékotekot, a na, Zambe a nji bisi bôt (Job 22)

Bildad:

Môte ya mvoñe bôte Shouah. A nga yiane nyiñe bebé ôsoé be mbe be loone na Euphrate
A mbe môte baa a nga nyoñe nkobô. Nye’e fe a nga nyoñe nkobô biyoñe bila. A nji dañe kobô abui ane Éliphaz, ve bifaé a nga belane bie, bi mbe ane nkpwaté mekôn

Mejô a nga bôté Job:

A nga jô na, bone be Job be nga wu amu be nga sem, a na Job émien, a nga lume Zambe mvus (Job 8)
A nga jô na, Job a mbe ntyame metiñ (Job 18)
A nga jô na, Zambe a nji bisi zôsôô mona môt (Job 25)

Tsophar:

Môte ya si Naama, éko éziñe na nlam ôte ô mbe bebé vôme jôp da dim, si ya Arabie
A mbe môte lale a nga nyoñe nkobô, mam a nga jô mme me nga dañ abé. A nga nyoñe nkobô biyoñe bibaé

Mejô a nga bôté Job:

A nga jô Job na, a kobô zezé mam, a nga jô fe nye na a jô’é mbia mimboone mié (Job 11)
A nga jô Job na, a ne mbia môt, a na, a wô’ô mvaé ya bo abé (Job 20)