Aval ô ne ve mbamba biyalan

Mbamba biyalan bia bo na akônda é yem e nsisim. (Bero 14:19) Bi ne fe mfi asu ba bebien ba ve bie. (Min 15:23, 28) Nde ñhe, bia yiane jeñe na bi ve to’o éyalane jia e bisulane bise. É ne été na, ba ye ke ve bia nkobô éyoñ ése bia bete wo, ve é ne mvo’é na ô kômesan abui biyalan.

Mbamba éyalan . . .

• a ne tyi’ibi ya wôk, ne sañesañ, a étun. Abui biyoñ, éyalan é ne mvo’é ja lôte ki 30 secondes

• a ne ji wo ve ô belane bifia biôé womien

• a nji bo mba’alane ya éyalane môte mfe a tatéya ve

Nge wo ba tate ve nkobô . . .

• va’a ve éyalane ya nsili

Éyoñ éyalane ya nsili é veebaneya, ô ne . . .

• liti aval avé éfus éziñe ya Kalate Zambe ja ngôné éyalane te

• liti aval avé ñye’elan ôte wo fombô ényiñe jangan

• liti aval avé bi ne belane miñye’elane mite

• ji’a kañete jam éziñ é nga kui wo da ngôné ñye’elan ôte