Enjeñané na bi bo atyeñ ésaé nkañete​—Bi laan a môt ase abôta nkañete dangan

AMU JÉ É NE MFI: Nkuli mejô Zacharie a nga jô na, bôte ya minkobô a meyoñe mese b’aye kañese mbamba foé a nlem ôse. (Zac 8:23) Ve za a ye ye’ele be? (Bero 10:13-15) Bi bili beta mvom a mbe’e ya kañete môt ase ya abôta dangane mbamba foé.​—od p. 84 par. 10-11.

AVALE BIA YIANE DE BO:

• Kômesa’an. Ye wo tôbane bôte ba kobô nkobô ôfe? Ô ne belan application JW Language na, ô yé’é aval ô ne kate môte Mejô me Zambe tyi’ibi. Ô ne fe belane téléfôn, nge tablette wôé na ô liti môt aval a ne bi abui mefoé afe anjeñe mefoé jw.org nkobô wé

• Bo’o fe’e meyen. Nge wo kañete menda menda, te nyoñe fan ô bili na wo kañete bôte wo tôbane njoñ, nge ba ba yange metua éngbwemese. Nge wo kañete bôt atemetem, beme’ ôsimesane wôé nsôñan ô bili na, wo kañete

• Bo’o ayôñ. Jeñe’ na ô tôbane bôte be ne teke dañe tabe menda map. Va’a ngule jôé ése na, ô tôbane môt ase nda jé, éko éziñ mewolo ma selan e môs, nge mimôs mia selane sondô. É ne sili na, bi laan a bôte béziñ a zene ya bekalate, betéléfôn, nge éyoñe bia kañete minjoñe minjoñ

• Beta’a bulane ke yene be. Jika’a ke jome môt ase a te wô’ô ava’a ya vô’ôlô wo. Nge môt a kobô nkobô ôfe, jeñe’ na, ô bi nkañete mbamba foé a ne ngule ya volô nye nkobô wé. Kele’ ôsu a loene môt ate akekui éyoñe nkañete mbamba foé a kobô nkobô wé é taté na, a yé’é a nye.​—od p. 94 par. 39-40

YENE’ VIDÉO: E KAÑETE “AKEKUI MFA’A SI NYÔ JA DAÑ ÔYAP,” A MVUSE YA VALÉ, YALA’ANE MINSILI MI:

• 

  Aval avé bobejañ a bekale be nga kômesan asu ya na, be ke kañete bôte be too si ja dañ ôyap? (1Bec 9:22, 23)

• 

  Minju’u mivé be nga dañ?

• 

  Bibotane bivé be nga bi?

• Ngule fé ô ne ve na ô laan a môt ase ya abôta nkañete dôé?