Te tôñe bibô’a mebo bi Krist “ôyabe mvus”

Yésus a nga liti bia mbamba éve’ela ya tôñ, e dañedañ éyoñe bia tôbane étibila’a a minjuk. (1P 2:21-23) Ja’a fo’o be nga taa Yésus, to’o éyoñ a mbe a du’uk, a nji jeñe na a kun émien. (Mc 15:29-32) Jé é nga volô nye na a jibi? A nga tyi’i na a ye bo nkômbane Yéhôva. (Jn 6:38) A nga beme fe mis mé “meva’a me mbe nye ôsu.”​—Beh 12:2.

Bi wô’ô bo aya, éyoñe bia tôbane étibila’a amu mbunane wongan? Nya Kristene a nji ‘bulane môt abé a abé.’ (Bero 12:14, 17) Éyoñe bia vu Krist a jibi minjuk, bi ne bi ava’a nlem amu Yéhôva a wô’ô bia mvaé.​—Mt 5:10-12; 1P 4:12-14.

YENE’E VIDÉO A NE NLÔ AJÔ NA, ÉYÔLÉ YÉHÔVA NJE JA DAÑE MFI, MVUSE YA VALÉ, YALA’ANE MINSILI MI:

• Aval avé Sita Pötzingera a nga belan éyoñe jé a fek éyoñe be nga kandé nye a mimbô’ô mivok?

• Minju’u mivé Mojañ Pötzinger ba minga wé be nga tôbane mie menda mimbô’ô mese be nga ke?

• Jé é nga ve be ngule ya jibi?