Bela’ane bevidéo éyoñ wo ye’ele bôt Bible

Bingeñgeñ bia volô môte na a kôme baa melo, a tu’a wôk, a simesan mam a te yé’é. Yéhôva Beta Ñye’ele wongan a nga jaé belane bingeñgeñ asu ya na, a ye’ele beta be mam. (Met 15:5; Jr 18:1-6) Yésus fe, Ntyetyeñe ñye’ele a nga belane bive’ela. (Mt 18:2-6; 22:19-21) Mimbu mi ndôme lôte mi, bevidéo bi nga kuli be nga wume mbamba bibuma. Ye wo yeme fo’o belane bevidéo éyoñe wo ye’ele bôte Bible?

Bi nga kômesane bevidéo awôm, asu na be volô bia éyoñe bia bo bôt meyé’é méziñe ya nsoé kalate Mbamba mefoé m’aso be Zambe! Vidéo ase a yalane nsili wua ya mi mi ne nsoé kalate ôte. Nge wo lañe nsoé kalate ôte anjeñe mefoé dangan, wo ye yene vôm ô ne koone vidéo ase ya été. Ô ne fe koone bevidéo befe ô ne belane be éyoñe wo ye’ele môt, vôm a ne ntilane na bikpwelé bia ye’ele bie bôt.

Ye môt wo ye’ele a kate wô’ô nlô ajô éziñ? Nge ke na ye a tôbane njuk éziñ? Kele’e jeñe vidéo a ne volô nye anjeñe mefoé dangan jw.org® a Télé Bengaa be Yéhôva. Éko éziñ mia môte wo ye’ele mi ne yene vidéo ate nsamba, a laan ajô ya été.

Ngon ése, mimfefé bevidéo mia kui. Éyoñe wo yene be, fase’ aval ô ne belane be éyoñe wo ye’ele bôte bevok.