Avale bia yiane belane bive’ela ya tôñ asu nkañete

Ataté Ngon ôsu ya mbu 2018, afep ôsu ya kalate Ényiñe Kristen a ésaé nkañete jangan da ve bia bive’ela ya tôñ asu ésaé nkañete. Aval avé bi ne belane bie?

Éyoñ ô bili ésaé ésulan ya zañe sondô: Nne wo yiane nyoñ nsili wo ye sili menyiine me nkobô môé, éfuse wo ye lañ, a nsili wo ye lik asu njoman été. Ve nalé a nji tinane na wo yiane belane fo’o ve bifia bi ne ntilan afep. Ô ne belane bifia bi ne wo tyi’ibi, nge avale menyiine me nkobô afe, nge ke fatane mfasane fe, a ke ke. Ô ne fe ve môt wo kañete kalate wua ya Bikpwelé bia ye’ele bie bôt, to’o ésaé ba te ve wo é nji jô wo na ô bo de.

Éyoñ ô ne nkañete: Bive’ela ya tôñ bia ve minlô mejô bi ne tôñesane mie éyoñ bia ke kañete. Nge môt a liti na a nye’e mame bia kañete nye, bi ne kee minlañ ôsu, bi tôñe’e éve’ela ya njoman. Bi ne tyendé mam méziñ ya éve’ela éte, nge ke wulu minlañ avale afe. Ye nlô ajô ya ngone ya mvus, nge ke éfus éfe ja ye kôme wô’é abôta nkañete dôé? Ye bôt ya vôm ô too ba ye tu’a baa alo nge wo kobô be ajô ya jam éziñ é ndôme boban? Aval ese wo ye tobe na wo belane bive’ela ya tôñ, nsôñane wôé wo yiane bo na, ô ‘bo mame mese amu mbamba foé, asu na ô kalane nye bôt bevok.’​—1Bec 9:22, 23.