Tebe’e ne bip, asu’ulan e nto bebé

AMU JÉ NALÉ A NE MFI: Beta be mam ba ye boban melu ma zu, ba ye tindi bia na bi bo ayo’o nlem a liti na bi to Yéhôva ndi. Beta étibela’a aye taté éyoñ ba ye tyame évuse ñyebe. (Mt 24:21; Nli 17:16, 17) Mbia éyoñ ate, bia ye yiane kañete foé ya ntyi’ane mejô. (Nli 16:21) Bia ye tôbane mewosane me Gog ya Magog. (Éz 38:10-12, 14-16) Yéhôva a ye soo “mewosane ya beta môs ya Zambe” mfa’a ya kamane bebo bisaé bé. (Nli 16:14, 16) Asu ya na bi bo ayo’o nlem a lat a mam ma zu, bia yiane ke ôsu a wulu ba’aba’a a Yéhôva éyoñe mbunane wongan ô tele meve’ele été. Bia yiane bo de ataté éyoñe ji.

AVALE BI NE BO DE:

• A ayo’o ese, bia yiane kaman a tôñe metiñe me Yéhôva.​—És 5:20

• Bia yiane ke ôsu a kañe Yéhôva fufulu a bobejañe bevok.​—Beh 10:24, 25

• Bia yiane bo ôjeja’a ya bo ékôane Yéhôva mewôk.​—Beh 13:17

• Bia yiane bindi avale Yéhôva a nga nyii bebo bisaé bé melu mvus.​—2P 2:9

• Bia yiane ye’elane Yéhôva, a tabe nye ndi​—Bs 112:7, 8

YENE’E MON ÉFASE YA VIDÉO BIA YIANE BO AYO’O NLEM AMU BETA BE MAME BA ZU, MVUSE YA VALÉ YALA’ANE MINSILI MI:

• 

  Njuk ôvé bebo bisaé be Yéhôva be nga tôbane wô éyoñe be nga lôme akônda dap e ke fulane mekônda mefe?

• 

  Aval avé bia tu’a bo ayo’o nlem éyoñe bi ne mewôk?

• 

  Amu jé da ye sili na bi bo ayo’o nlem éyoñ Harmaguédon aye so?

• 

  Minlañe mivé ya Kalate Zambe mi ne yemete ndi nleme jangan na Yéhôva a ne nyii bia?​—2Mka 20:1-24