Tabe’e ntyele ya miase mefoé me nji bo été

Den, é ne angôndô ya tyi’ibi na foé é mane mialan a zene ya bekalate, radio, télé, a internet. Bôte ba kañe “Zambe ya benya mejôô” be nji kômbô ke ba mias mefoé me nji bo été teke taté fas. (Bs 31:5; Nk 23:1) Mefoé bôte ba lôme teke fas me wô’ô kui na me ndeñele bôt nya abui. Éyoñe wo kômbô yem nge foé éziñ é ne été, sili’i womiene na:

• ‘Ye foé nyi ja so be môt me to nye ndi?’ Éko éziñ môt a kalane foé a nji yeme mam mese me tii a foé éte. Éyoñ foé ja ke ja kalane menyu menyu é wô’ô fe ke ja tyendé, ajô te tabe’e ntyel nge ô nji yeme vôme foé éte ja so. Bôt ba ji’a yebe mam bobejañe be bili mimbe’e akônda ba jô, ajô te bobejañe bete ba yiane dañe tabe ntyele ya kalane mefoé be to ki ndi na me ne été.

• ‘Ye foé éte ja ndamane môt éyôlé?’ Nge foé éte ja ndamane môt éziñ nge nsamba bôt éyôlé, te miase je.​—Min 18:8; Beph 4:8

• ‘Ye foé éte é ne nyi be ne tabe je ndi?’ Tabe’e ntyel éyoñe wo wô’ô bitua mefoé

YENE’E VIDÉO AVAL AVÉ ME NE TELÉ ÉKOBÔKOBÔ?, MVUSE YA VALÉ, YALA’ANE MINSILI MI:

• 

  Avale kalate Minkana 12:18 a liti, mbia jame mbé minkobô mi ne bo môt a wô’ô mie?

• 

  Aval avé Bephilipien 2:4 a volô bia na bi yeme fas ôsusua na bia kobô?

• 

  Jé bia yiane bo éyoñe bôte ba bo ékobôkobô?

• 

  Ôsusua na bia kobô mam ma fombô bôte bevok, minsili mivé bia yiane sili biabebien?