A bisoé, ye Yéhôva a ne beta mvôé wônan?

Mefulu mevé bia yi na mvôé jangan é bi? Éko éziñ fulu ya yeme kabetane bôt, fulu akap a mbamba nlem. Yéhôva a bili mefulu mete mese. (Nk 34:6; Mam 14:17) A vô’ôlô bia éyoñ bia ye’elane nye. A volô bia éyoñ bia yi mvolan. (Bs 18:19, 35) A jamé bikobe biangan. (1Jn 1:9) Yéhôva a ne fo’o angôndô ya mbamba mvôé!

Aval avé ô ne bo mvôé Yéhôva? Yé’é na wo yeme nye a zene ya lañe Mejô mé. Kate’e nye mam môé. (Bs 62:8; 142:2) Liti’i na wo telé mam me ne mfi mise me Yéhôva ôsu, aval ane mam ma fombô Mone wé, Éjôé jé, a bengaka’a bé a lat a melu ma zu. Kañete’e bôte bevo’o mam ma fombô nye. (Dt 32:3) Nge amvôé mia Yéhôva e ne ngul, da ye tabe nnôm éto.​—Bs 73:25, 26, 28.

YENE’E VIDÉO A BISOÉ, “TYE’AN A YEN ANE YÉHÔVA A NE MVAÉ,” MVUSE YA VALÉ, YALA’ANE MINSILI MI:

• 

  Aval avé ô ne kômesan na wo ve womien ngumba be Yéhôva a duban?

• 

  Aval avé bôte bevo’o ya akônda be ne volô wo na ô bo Yéhôva ésaé?

• 

  Aval avé ésaé nkañete ja yemete élate jôé mia Yéhôva?

• 

  Mimbé mivé mi yoo wo asu ésaé Yéhôva?

• Jé wo nye’e be Yéhôva?