Ba’ale’e nda alu’u jôé

Yéhôva a bo ke fianga a ngaka’a beluk ba bo môse ba lu’an, a jô na nnôm ba ngal ba yiane yemete élat é ne zañe jap. (Mt 19:5, 6) Bia koon angôndô ya mbamba menda meluk ékôane Yéhôva été. Ve nya ajôô a ne na, teke alu’u éziñ mam mese ma wulu ve nkone nkon. Mejô me ne kui nda aluk. Ve éyoñ mejô ma kui, bi nji yiane bo ane bôte ya émo ji, mbe bete be ne na, ane mejô ma taté, be kandan, nge ke be tyam aluk. Aval avé Bekristen be ne ba’ale nda alu’u jap?

Bi tame zu yene beta be mam betan be ne bo.

1. Ba’ale’e nleme wôé, te bo bôte befe ayas nge bo mimvôman mia ngôné mvine mame ya bisôk. Mam mete ma te’e élat é ne zañe beluk.​—Mt 5:28; 2P 2:14.

2. Yemete’e élate jôé a Yéhôva, yale nkômbane ya ve nye nlem ava’a nda alu’u jôé.​—Bs 97:10.

3. Kele’ ôsu a jaé mfefé môt, bo’o bone be mam be ne ve nyo nnôm nge nyo ngal ényiñ ôveves.​—Beco 3:8-10, 12-14.

4. Môt ase ya be mia a kele’ ôsu a semé nyi mbok, nyoña’ané éyoñ ya laan édok été.​—Beco 4:6.

5. Môt ase a yiane voñôlô nyi mbok, a liti nyo mbo’o nye’an éyoñe ba ke binoñ.​—1Bec 7:3, 4; 10:24.

Éyoñ Bekristen ba semé melu’u map, ba liti na ba semé Nté ya aluk, Yéhôva.

YENE’E VIDÉO A NE NLÔ AJÔ NA BIA YIANE ‘KE MIMBIL A ÔJIBI’: BIA YIANE TÔÑE METIÑE YA NKEANE MBIL, MVUSE YA VALÉ, YALA’ANE MINSILI MI:

• 

  Akusa bo na mam me ne taté mvo’é nda aluk, ve minju’u mivé mi ne su’ulane kui?

• 

  Aval avé miñye’elane ya Bible mi ne volô belu’u ba wô’ôtane na teke fe nye’ane nda alu’u jap?

• 

  Nta’ane mam ôvé Yéhôva a nga bo éyoñ a nga té aluk?

• Asu na mam me wulu mvo’é nda aluk, jé nluk ase a yiane bo?