Tabe’e nkômesan asu memane ya melu ya asu’ulan

Bia yeme na nté asu’ulane da zu da subu, nne fe mam mé tu’a ndaman émo nalé. (2Tim 3:1) Éyoñ ébubua ja kui, bebo bisaé be Yéhôva be bili melebe ma yian éyoñe ja yian. Jam é ne nyii bia é ne na bi taté na bia bo mewô’ô den, a na bi kômesane mfa’a ya nsisim a mfa’a ya minsôn.​—Lc 16:10.

• Kômesa’ane mfa’a ya nsisim: Yeme’e belan éyoñe jôé. Yé’é abui befatane be nkañete. Nge mia be bobejañe mia yiane kandane mone nté, te ko woñ. (És 30:15) Amu Yéhôva ba Yésus be ne a wo éyoñe ya éyoñ ése.​—od af. 176 ab. 15-17

• Kômesa’ane mfa’a ya minsôn: Ane ô vaa na wo yiane kômesane ngum ékpwaé asu bibubua bi ne kui atemetem, wo yiane fe ba’ale biôm biziñe nda, ane bidi, mebiañ, mendime ya nyu, a biôm bife, amu môt a nji, môt a yem.​—Min 22:3; g17.5 af. 4, 6

YENE’E VIDÉO A NE NLÔ AJÔ NA YE Ô NE NKÔMESAN MFA’A YA BETA BIBUBUA? MVUSE YA VALÉ YALA’ANE MINSILI MI:

• 

  Aval avé bi ne kômesane mfa’a ya nsisim ôsusua na beta ébubua a kui?

• 

  Amu jé bia yiane bo mam ma:

  • e laan a bemvendé éyoñ ése?

  • e bi ngum ékpwaé asu jam e ne kui atemetem?

  • e yemelan avale bibubua e ne kui vôm bi too, a e yeme jam bi ne bo?

• 

  Mam melale mevé bi ne bo asu na bi volô bôte ba tôban ébubua?

SILI’I WOMIENE NA, ‘Corona virus a ye’ele ma jé a lat a mfi ya tabe nkômesan?’