BIDIMA BI MAME YA KALATE ZAMBE

Bo’o Yéhôva ésaé a nlem ôse

Caleb a nga taté na a tôñe Yéhôva a nlem ôse a too ndômane môt (Jos 14:7, 8)

Éyoñ a yômbôya, a mbe a too ndi na Yéhôva é volô nye na a bo ésaé A nga ve nye, to’o é nji be tyi’ibi (Jos 14:10-12; w04 1/12 af. 12 ab. 2)

Yéhôva a nga botane nye amu a nga bo nye ésaé a nlem ôse (Jos 14:13, 14; w06 1/10 af. 18-19 ab. 11)

Befôtô: Sita a tôbane minju’u ya nnôm. 1. Ntume wé wo su’u nye nté a too si a ye’elan. 2. Ba ésoé sita be ne nkañete. 3. A liti bobe bongo ya akônda dé fôtô wé. 4. A muñ a meva’a mese.

Mbunan Caleb ô nga yem amu a nga ke ôsu a bo Yéhôva mewôk a bu’ubane bibotane Bié. Mbunane wongane fe wo tu’a yem éyoñ bia yen ane Yéhôva a vô’ôlô meye’elane mangan, a ane a liti bia zen abui bité ya ényiñe jangan.—1Jn 5:14, 15.