Volô’ô bôte mia be be mia yé’é Bible na be jalé miñyiane miap ya nsisim

Asu na beyé’é Bible be kôme yeme Yéhôva a yaé nsisim, bi nji yiane su’u ve na bia ye’ele be Mejô me Zambe. (Mt 5:3; Beh 5:12–6:2) Bia yiane fe liti be avale bebien be ne jalé miñyiane miap ya nsisim.

Taté’é liti be avale ba kômesan ayé’é, a lebe be na be bo be bo’o de éyoñ ése. (mwb18.03 6) Jô’ô be na te ba vuane ye’elan ôsusua na ba yé’é Mejô me Zambe. Volô’ô be na be yeme limiti bekalate be ne nkol, a na be yeme belane be. Liti’i be avale ba yene mam me ne mfefé e jw.org, a télé Bengaa be Yéhôva^®. Ôte’ete’ ôte’etek, volô’ô be na be lañe Bible môs ôse, na be kômesane bisulane ya akônda, a na bebiene be yeme jeñ biyalane ya minsili miap bekalate bangan. Volô’ô fe be na be bindi mam ba yé’é.

YENE’E VIDÉÔ A NE NLÔ AJÔ NA, VOLÔ’Ô BÔTE MIA BE BE MIA YÉ’É BIBLE NA BE JALÉ MIÑYIANE MIAP YA NSISIM, MVUSE YA VALÉ YALA’ANE MINSILI MI:

• 

  Aval avé Neeta a te liti Jade na é nji sili ve na a yem biyalane ya minsili?

• 

  Jé ja te volô Jade na a wô’ô amu jé Yéhôva a tyili mvite mame ya bisôk?

• 

  Aval avé Jade a te tu’a wô’ô jé ja tinane na e bindi?