ÉNYIÑE BEKRISTEN
Yéhôva a volô bia na bi jibi minjuk
Bia tôban angôndô ya abui minjuk melu ya asu’ulane ma. Biyoñ biziñ minju’u mite mia te’e bia aval é ne na bi nga buni na bi vo’o mie jibi. Ve nge bia ke ôsu a kabetane Yéhôva, é ve bia ngule ya jibi avale nju’ ese e ne kui bia. (És 43:2, 4) Aval avé bi ne kabetane Yéhôva éyoñ bia tôbane minjuk?
Meye’elan. Éyoñ bia kôme kate Yéhôva avale bia wô’ôtan, a ve bia mvo’é ya nlem a ngule ya jibi.—Beph 4:6, 7; 1Bet 5:17.
Bisulan. Éyoñ ya kôme bu’ubane bidi ya nsisime Yéhôva a ve bia bisulane nje ji. (Beh 10:24, 25) Asu na nsisime Yéhôva ô tu’a volô bia, bia yiane kômesan ôsusua na bia ke tabe bisulan, a jeñe na bi ve biyalan.—Nli 2:29.
Nkañete. Da dañe tyi’ibi na bi simesane mbamba be mam éyoñ bi ne mban ésaé nkañete. Ésaé nkañete ja volô fe bia na bi yemete élate jangan a bobejañ, a na bi tu’a bo ngbwa a Yéhôva.—1Bec 3:5-10.
YENE’E VIDÉO A NE NLÔ AJÔ NA YÉHÔVA MVOLÔ WOM, MVUSE YA VALÉ, YALA’ANE MINSILI MI:
Jé é nga volô Malu na a kabetane Yéhôva éyoñe ya meve’ele?
Aval avé kalate Besam 34:18 a volô bia nlem éyoñe ya minjuk aval a nga volô Malu?
Aval avé nkañete Malu wo liti na Yéhôva a ve bia “ngul é ne te ave’an” éyoñ bi tele minju’ été?—2Bec 4:7