ÉNYIÑE BEKRISTEN

Volô’ô bôte be nji buni Zambe na be yeme Nté wop

Ye é kuiya na ô ko woñe ya kañete bôte ba buni ki Zambe, amu wo simesane na ba ye ke vô’ôlô wo? Nge nalé a kuiya, te vuane na abui bôt é nji mbe é buni’i Zambe é nga su’ulane bo Bengaa be Yéhôva. Biyoñe biziñ, jame be mbe be yi é mbe na, be liti be to’o ve mone jam a yemete na Zambe a ne.—Rom 1:20; 10:14.

YENE’E VIDÉO A NE NLÔ AJÔ NA, SIMESA’ANE NA BÔTE BE NE TE MBUNAN BE NE SU’ULANE BI WÔ!—BÔTE BE NJI BI AJÔ A ÑYEBE, MVUSE YA VALÉ, YALA’ANE NSILI WU:

Aval avé jam é nga kui Tommaso da volô wo na ô bi mbamba été nsisim a lat a bôte ba buni ki Zambe?

Éyalane jôé

Avale bi ne bo de

Nge môt a jô na a nji buni Zambe, bo’o évôvoé nlem, bela’ane mbamba bifia. Liti’i na wo nyoñe ngap a asimesane dé, a aval a wô’ôtane mam a lat a nlô ajô wo laan a nye. (2Tm 2:24) Kobô’ô ajô ya minlô mejô a ne nye’e. Ye a kômbô yeme mendeme ma liti na Zambe nnye a ne Nté biôme bise? Nge éyalan é ne na ôwé, bela’ane minsoé mi kalate mia tôé nsôñan ôte. Ô ne koone minsoé mi kalate mi ne nlô ajô na, La vie a-t-elle été créée? a Cinq questions à se poser sur l’origine de la vie e bikpwelé bia ye’ele bie bôt.

É ne été na, ô ne taté ko woñe ya kobô ajô benya mejôô a môt a nji buni Zambe. Ve ô ne sili mvolane be mojañ a jaéya zu a bo de. Nde fe, te vuane na Yéhôva a ne volô wo na ô nambe minleme mi bôt, to’o da kui éyoñ ôsu na ba buni ki na a ne.—Mml 13:48.