Bejôô bôte bebaé ba wosan éyoñe ya asu’ulan

Minkulane mejô miziñe ya ntaka’a wu mia tôébane zia biyoñe jia. Minkulane mejô mite mia bo’olô na bi nga nyiñ “éyoñe ya asu’ulan.”​—Dn. 12:4.

• 

  

  Bifus Nli. 11:7; 12:13, 17; 13:1-8, 12

  Nkulan ajô Den a nto mimbu a lôte 3 000 “tite ya fé” é bili éjôé. Nlô zangbwale ya tit éte wo juk melu ya asu’ulan. Nlô zangbwale ôte wo su’ulane yet, a “si se” ja wulu tit éte mvus. Satan a belane tit éte na a “wosane ba bevo’o ya mvoñe” minga.

  Avale wo tôéban Mvuse Ndône mendim, meyoñe ma siñe Yéhôva me nga nyoñ éjôé. Mvuse mimbu a lôte 3 000, ayoñe da ya été (Grande-Bretagne) é nga jañele ngule jé éyoñe ya beta bita bi ôsu. Ve é nga beta bi ngul éyoñ États-Unis é nga lat a nye. Melu ma su’ulane ma mme Satan a dañe belane bijôé ya émo ji na a tibili bebo bisaé be Yéhôva.

• 

  Bifus Dn. 11:25-45

  Nkulan ajô Melu ya asu’ulan, njôô bôte ya nord ba njôô bôte ya sud ba wosan amu ba sum éjôé.

  Avale wo tôéban Allemagne a wosane Grande-Bretagne ba États-Unis. Mbu 1945, Union soviétique a ba ba su’u nye mbe be ne njôô bôte ya nord. Wônaa mbu 1991, Union soviétique a tyamban, a Russie a ba ba su’u nye ba su’ulane bo njôô bôte ya nord.

• 

  Bifus És. 61:1; Mal. 3:1; Luc 4:18

  Nkulan ajô “Nlômane” Yéhôva wo “kôme zen” ôsusua na Éjôé Krist ja tebe. Mone nsamba bôt ate a “kate bôte be ne minleme ne mieññ mbamba mefoé.”

  Avale wo tôéban Ataté mbu 1870, Charles T. Russell a bôte befe be nga saé a ngul ése na be tu’a yemelane benya mejôô ya Bible. Mbu 1881, be nga yemelane na e ne nya mfii na bebo bisaé be Yéhôva be kañete. Be nga kuli minlô mejô mi mibaé na be ve bôt éva’a ya kañete: “Bia yi bekañete 1000” a “Miñwo’an mia yiane kañete.”

• 

  Bifus Mt. 13:24-30, 36-43

  Nkulan ajô Mbia môt a zu bé mbia fes vôme mbamba fes a faa, éyoñ éte mbia élok a mane yametan a buti nya fese akekui éyoñe ya nkôane bidi; mvuse ya valé, ba kandé mbia élok a nya fese.

  Avale wo tôéban Ataté mbu 1870, nsela’ane a kôme yené zañe bivuse Bekristen a benya Bekristen. Melu ya asu’ulan, benya Bekristen ba sulan akônda Yéhôva a kandan a bivuse Bekristen.

• 

  Bifus Dn. 2:31-33, 41-43

  Nkulan ajô Mebo m’étyé a étek me ne ngabe ya éve’ela é ne nkôman a biôm meval meval

  Avale wo tôéban Étek é ne bôte ya Puissance mondiale anglo-américaine ba kange éjôé. Bôte bete ba bo na éjôé éte é kate jôé a ngule ya étyé.

• 

  

  Bifus Mt. 13:30; 24:14, 45; 28:19, 20

  Nkulan ajô Ba futi “bidi” “nda bidi” a ba telé ôlo ô ne mewôk a fek na ô wulu bebo bisaé be Zambe. “Mbamba foé ya [Éjôé] Zambe” a taté na a miasebane “si se.”

  Avale wo tôéban Mbu 1919, ba telé ôlo ô ne mewôk a fek. Ataté éyoñ éte, beyé’é Bible be nga taté na ba bulu bo ésaé nkañete. Den, Bengaa be Yéhôva ba kañete mesi a lôte 200, be kuliya fe bekalate minkobô a lôte 1 000.

• 

  Bifus Dn. 12:11; Nli. 13:11, 14, 15

  Nkulan ajô Tit é bili minla’a mibaé ja jô bôte ya si na be bo ‘éve’ela ya tite ya fé,’ ja ve fe éve’ela éte mvebe.

  Avale wo tôéban Grande-Bretagne ba États-Unis ba té Société des Nations (SDN). Abui meyoñ da su’u ékôan éte. Njôô bôte ya nord fe a su’u je, ve fo’o ve asu étun éyoñ, ataté mbu 1926 akekui mbu 1933. Fo’o ve avale ba ye su’ulane bo asu ONU, bôte ba ve SDN duma da yian Éjôé Zambe.

• 

  

  Bifus Dn. 8:23, 24

  Nkulan ajô Njôô bôt a ne éko woñ a “jiane mam étua njian.”

  Avale wo tôéban Puissance anglo-américaine a nga wôé bizu’u bi bôt a soo abui minju’u si. Éyoñe ya beta bita bi baa, États-Unis é nga wua bebombe atomique bebaé si éziñ é mbe é wosa’ane ba Grande-Bretagne. Bita bife bi mbe bi ngenane te tame wôé abime bôte bebombe bete be nga wôé.

• 

  Bifus Dn. 11:31; Nli. 17:3, 7-11, 16

  Nkulan ajô “Tit é mbe évele ne zôññ” ja vam édo’ ébé a ja su’ulane bo njôô bôte mwomô. Minla’a mié awôm mia wôé “minga . . .  bijabô,” a mvuse ya valé, tit éte ébiene ja wu. Kalate Daniel a loone tit éte na “mbia jôm a ndamane mam.”

  Avale wo tôéban Société des Nations a nga man éyoñe ya beta bita bi baa. Éyoñe bita bi maneya, be nga telé ONU. Fo’o ve avale be nga bo a SDN, bôte ba ve ONU duma da yian Éjôé Zambe. ONU a ye wosane ñyebe.

• 

  

  Bifus 1 Bet. 5:3; Nli. 17:16

  Nkulan ajô Meyoñ ma yôtane na “mvo’é a teke jame ya ko woñ,” “minla’a awôm” a ‘tite ya fé’ ba wosane ‘minga bijabô.’ Mvuse ya valé, meyoñe ma fiteban.

  Avale wo tôéban Meyoñe ma ye tametane na me sooya mvo’é si. Éyoñ éte meyoñe ma su’u ONU ma ye mane tyame nta’ane mame ya évuse ñyebe. Beta étibela’a nnye ñhe a taté le! Étibela’a éte ja ye man éyoñe Yésus a ye tyam émo Satan ése ne meññ Harmaguédon.

• 

  Bifus Éz. 38:11, 14-17; Mt. 24:31

  Nkulan ajô Gog a kui vôme bebo bisaé be Yéhôva be too. Éyoñ éte beéngele ba kôane “bôte Zambe a nga top.”

  Avale wo tôéban Njôô bôte ya nord ba bijôé ya émo ba ye wosane bebo bisaé be Yéhôva. Nné ane mewosane mete ma ye taté, miñwo’ane mi ngenane si va mia ye mane ke yôp.

• 

  Bifus Éz. 38:18-23; Dn. 2:34, 35, 44, 45; Nli. 6:2; 16:14, 16; 17:14; 19:20

  Nkulan ajô “Nyô a nga too” “éfumulu ékabela” yôp a mane “mewosane” mé éyoñ a ko’o Gog ba nkane bita wé. ‘Tite ya fé’ ja wuaban “ato’o nduan,” a beta éve’ela ya kalate Daniel a mane nyumelan.

  Avale wo tôéban Yésus, Njôô ya Éjôé Zambe, a ye kôté bone be bôt. A ye saé a bôte 144 000 a beéngele na a nyose Gog ba bijôé bivo’o bise ya émo Satan.